ராணிப்பேட்டை நவ 20,
ராணிப்பேட்டையில் அருகே புதிய மேம்பாலத்தில் இருசக்கர வாகனம் மீது கார் மோதிய விபத்தில் 3 இளைஞர்கள் உயிரிழந்த சம்பவம் பெரும் சோகத்தை ஏற்படுத்தியுள்ளது*
ராணிப்பேட்டை மாவட்டம் காரை பகுதியில் புதிதாக கட்டப்பட்டுள்ள மேம்பாலத்தின் மீது இருசக்கர வாகனத்தில் சென்று கொண்டிருந்த 3 பேர் மீது எதிரே வந்த கர்நாடகா பதிவு எண் கொண்ட இன்னோவா கார் மோதிய விபத்தில் 3 பேர் தூக்கி வீசப்பட்டனர் அதில் இருவர் சம்பவ இடத்திலேயே உயிரிழந்த நிலையில் மற்றொரு இளைஞர் உயிருக்கு ஆபத்தான நிலையில் அரசு மருத்துவமனையில் சிகிச்சைக்காக அனுமதிக்கப்பட்டு சிகிச்சை பலனின்றி பரிதாபமாக உயிரிழந்தார்..
இந்த தகவல் அறிந்து சம்பவ இடத்திற்கு விரைந்து வந்த ராணிப்பேட்டை போலீசார் மேம்பாலத்தில் உயிரிழந்த 3 இளைஞர்களின் உடல்களை மீட்டு பிரேத பரிசோதனைக்காக வாலாஜாபேட்டை அரசு மாவட்ட தலைமை மருத்துவமனைக்கு அனுப்பி வைத்ததனர்
மேலும் விபத்து சம்பவம் குறித்து விசாரணை மேற்கொண்டத்தில் முதற்கட்ட விசாரணையில் மேம்பால விபத்தில் உயிரிழந்தவர்கள் காரை பகுதியை சேர்ந்த தினேஷ் (20) அதேபோல் வேலூர் மாவட்டம் ரங்காபுரம் பகுதியை சேர்ந்த சாஜன் (26) என்றும் ஆற்காடு பகுதியை சேர்ந்த பாலமுருகன் (19) என விசாரணையில் தெரியவந்தது மேலும் விபத்துக்குள்ளான கார் மற்றும் இருசக்கர வாகனங்களை பறிமுதல் செய்து தற்போது போலீசார் விசாரணை நடத்தி வருகின்றனர் மூன்று இளைஞர்கள் விபத்தில் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது..