திருப்பூரில் பேச மறுத்த கள்ளக்காதலிக்கு அரிவாள் வெட்டு – போலீசில் சரணடைந்த கள்ளக்காதலன்.

திருப்பூர் நவ 12,
திருப்பூரில் பேச மறுத்த கள்ளக்காதலிக்கு அரிவாள் வெட்டு. 108 ஆம்புலன்ஸ்க்கு கால் செய்து, சிகிச்சைக்காக மருத்துவமனைக்கு அனுப்பி வைத்துவிட்டு போலீசில் சரணடைந்த கள்ளக்காதலன்.

திருப்பூர் மாவட்டம் பெருந்தொழு பகுதியை சேர்ந்தவர் சித்ரா (36), அவரது கணவர் ஜான்சன், கடந்த 2020 ஆம் ஆண்டு கொரோனாவில் இறந்து விட்டார். இவர்களுக்கு 14 வயதில் மகள் இருக்கிறார். இந்த நிலையில், தனியாக வசித்து வந்த சித்ராவிற்கு பக்கத்து வீட்டில் வசிக்கும், மெக்கானிக் கருப்பண்ணன் என்பவர் உடன் பழக்கம் ஏற்பட்டது.

கடந்த இரண்டு ஆண்டுகளாக இந்த பழக்கமானது தொடர்ந்து வந்த நிலையில், இவர்களுக்குள் அடிக்கடி தகராறு ஏற்பட்டு வந்த காரணத்தால் கடந்த ஒரு மாதத்திற்கு முன்பு சித்ரா கருப்பண்ணனுடன் பேசுவதை தவிர்த்து வந்துள்ளார். மேலும் இது தொடர்பாக அவிநாசி பாளையம் காவல் நிலையத்தில் புகார் அளித்ததுடன் அங்கேயே தங்கள் இருவருக்குள் எந்த வித தொடர்பும் இல்லை என எழுத்துப்பூர்வமாக இருவரும் ஒப்புதல் வாக்குமூலமும் அளித்துள்ளனர்.


இந்த நிலையில் சித்ராவுடன் ஆன தொடர்பை விட முடியாத கருப்பண்ணன் கடந்த வாரம் சித்ராவிடம் மீண்டும் பேச வந்துள்ளார். ஆனால் அதற்கு அவர் சம்மதிக்காத காரணத்தால் அவரை தாக்கியதாக கூறப்படுகிறது

*இந்த நிலையில் இன்று காலை சித்ரா தனது மகளை பள்ளியில் விட்டுவிட்டு வீட்டிற்கு திரும்பிய போது அங்கு வந்த கருப்பண்ணன் தன்னுடன் ஏன் பேச மறுக்கிறாய் எனக் கூறி தகராறில் ஈடுபட்டுள்ளார் மேலும் வீட்டிற்குள் வர முயற்சி செய்துள்ளார் ஆனால் அவரை சித்ரா தடுத்துள்ளார் இதனால் ஆத்திரமடைந்த கருப்பண்ணன் தான் கையில் மறைத்து வைத்திருந்த அரிவாலை எடுத்து சித்ராவின் கை மற்றும் கால்களை சரமாரியாக வெட்டினார். இதில் சித்ராவின் இடது கை உடைந்து தொங்கியது. வலியால் அலறி துடித்த சித்ராவின் நிலையை கண்டு மனமிரங்கிய கள்ளக்காதலன் கருப்பண்ணன், 108 ஆம்புலன்ஸ்க்கு கால் செய்து வரவைத்தது மட்டுமின்றி,  அவரை ஆம்புலன்ஸில் ஏற்றி சிகிச்சைக்காக திருப்பூர் அரசு மருத்துவ கல்லூரி மருத்துவமனைக்கு அனுப்பி வைத்துள்ளார். மேலும் தனது நண்பர்களிடம் தான் சித்ராவை வெட்டி விட்டதாகவும் தகவல் தெரிவித்துள்ளார். இது குறித்து தகவல் அறிந்து வந்த அவிநாசி பாளையம் காவல்துறையினரிடம் தானே சரணடைந்துள்ளார்.*


இது குறித்து அவிநாசி பாளையம் போலீசார் வழக்கு பதிவு செய்து விசாரணை மேற்கொண்டு வருகின்றனர். மேலும் அரசு மருத்துவமனையில் சிகிச்சை பெற்று வரும் சித்ராவின் நிலைமை கவலைக்கிடமாக இருப்பதைத் தொடர்ந்து,  மேல் சிகிச்சைக்காக அவரை கோவை அரசு மருத்துவ கல்லூரி  மருத்துவமனைக்கு அனுப்பி வைத்தனர்.


பேச மறுத்த கள்ளக் காதலியை அரிவாளால் வெட்டிவிட்டு அவரை சிகிச்சைக்கு கள்ளக்காதலனே மருத்துவமனையில் சேர்த்த சம்பவம் பரபரப்பு ஏற்படுத்தியுள்ளது.