கொடைக்கானல் பகுதியில் சுற்றுலா பயணிகள் போதை காளானில் தேன் மற்றும் ஜாம் கலந்து சாப்பிடுவது போல் சமூக வலைதளங்களில் வீடியோ வைரல்.

திண்டுக்கல்,அக்.31

கொடைக்கானல் பகுதியில் சுற்றுலா பயணிகள் போதை காளானில் தேன் மற்றும் ஜாம் கலந்து சாப்பிடுவது போல் சமூக வலைதளங்களில் வீடியோ வைரல்.

திண்டுக்கல் கொடைக்கானல் மலை
பகுதிக்கு தமிழகத்தின் பல்வேறு  மாவட்டங்கள் மற்றும் கேரளா, பெங்களூர் உள்ளிட்ட வெளி மாநிலங்களில் இருந்தும் தினமும் ஏராளமான சுற்றுலாப் பயணிகள்  வருகை  தருகின்றனர்.

இந்நிலையில், கொடைக்கானல் மேல்மலை பகுதிகளான மன்னவனூர், கூக்கால், கவுஞ்சி உள்ளிட்ட பகுதிகள் தற்போது சுற்றுலாப் பயணிகளை பெரிதும் கவரும் இடமாக இருந்து வருகிறது.

அவ்வப்போது சுற்றுலா பயணிகள் போதை காளான் பயன்படுத்தும் வீடியோக்கள் சமூக வலைதளங்களில் அதிகளவில் வைரலாகி வருகிறது.

குறிப்பாக சில இளைஞர்கள் போதை காளானில் தேன் மற்றும் ஜாம் ஆகியவற்றை பயன்படுத்துகின்றனர்‌. இதுபோன்று போதை காளான்களை பயன்படுத்தி சமூக வலைதளங்களில் பதிவிடுவதால் போதை காளான்களை தேடி பல இளைஞர்கள் கொடைக்கானல் மலை கிராமத்திற்கு செல்லக்கூடிய சூழல் ஏற்பட்டுள்ளது.

மேலும், போதை காளான்கள் பயன்படுத்தி தொடர்ச்சியாக வெளியாகும் இது போன்ற வீடியோகளால் இளைஞர்களின் எதிர்காலம் கேள்வி குறியாக உள்ளது.
எனவே போதை காளான் விற்பனை செய்கின்ற நபர்கள் மற்றும் பயன்படுத்தும் இளைஞர்களை கண்டறிந்து
மாவட்ட கண்காணிப்பாளர் அவர்கள் கடும் நடவடிக்கை எடுக்க வேண்டும் எனவும் சமூக ஆர்வலர்கள் கோரிக்கை விடுத்துள்ளனர்.