வேடசந்தூரில் சிறுவன் பள்ளி மாணவர்களை உட்கார வைத்து ஆட்டோவில் ஓட்டிச் செல்லும் காட்சி சமூக வலைதளங்களில் வைரல்

திண்டுக்கல்,அக்.31

வேடசந்தூர் அருகே 10 வயது சிறுவன் பள்ளி மாணவர்களை உட்கார வைத்து ஆட்டோவில் ஓட்டிச் செல்லும் காட்சி சமூக வலைதளங்களில் வைரல் நடவடிக்கை எடுக்க பொதுமக்கள் கோரிக்கை*

திண்டுக்கல்  வேடசந்தூர் அருகே உள்ள மறவபட்டி பகுதியில் படிக்கும் பள்ளி மாணவர்களை 10 வயது சிறுவன் ஒருவன் நேற்று மாலை ஆட்டோவில் ஏற்றிக் கொண்டு தாடிக்கொம்பு செல்லும் சாலையில் ஓட்டிச் சென்றார்.

இந்த காட்சியை அந்த பகுதியில் இருசக்கர வாகனத்தில் சென்ற நபர் ஒருவர் செல்போனில் வீடியோ எடுத்துள்ளார். அந்த காட்சிகள் தற்போது சமூக வலைதளங்களில் பகிரப்பட்டு வருகிறது.

விபத்து அபாயத்தை உணராமல் 10 வயது சிறுவன் பள்ளி மாணவர்களை ஆட்டோவில் ஏற்றிக் கொண்டு செல்லும் காட்சிகள் அதிர்ச்சியை ஏற்படுத்தியுள்ளது.

எனவே சிறுவனிடம் ஆட்டோவை கொடுத்து ஓட்ட வைத்த நபர்கள் மீது சாலை போக்குவரத்து ஆய்வாளர் மற்றும் போலீசார் உரிய நடவடிக்கை எடுக்க வேண்டும் என பொதுமக்கள் மற்றும் சமூக ஆர்வலர்கள் கோரிக்கை விடுத்துள்ளனர்.