விருதுநகர் நவ 5,
விருதுநகர் மாவட்டம் வெம்பக்கோட்டை அருகே கொங்கன்குளம் கிராமத்தில் இன்று உங்களுடன் ஸ்டாலின் சிறப்பு முகாம் நடைபெற்றது. இந்த சிறப்பு முகாமில் விருதுநகர் மாவட்ட ஆட்சியர் சுகபுத்ரா கலந்து கொண்டு முகாமை தொடங்கி வைத்தார் .
இந்த முகாமில் அரசு சார்பில் செயல்படும் 13 அரசு துறைகள் மூலம் 43 வகையான சேவைகளை பயனாளர்களுக்கு செய்து வருகின்றனர். ஒவ்வொரு பகுதியிலும் பொதுமக்களுக்கு தேவையான அனைத்து வகையான சேவைகளையும் ஒரே இடத்தில் அரசு அலுவலர்கள் வழங்கி வருகின்றனர். இந்நிகழ்ச்சியில் மாவட்ட ஆட்சியர் சுகபுத்ரா பயனாளிகளுக்கு பிறப்புச் சான்றிதழ்,பட்டா உள்ளிட்டவைகளை வழங்கினார் மேலும் மகளிர் உரிமைத் தொகைக்காக விண்ணப்பிக்கலாம் என்பதால் சுற்றுவட்டாரத்தில் உள்ள ஏராளமான பெண்கள் அங்கு குவிந்தனர், இந்த நிலையில் அங்கிருந்த பெண் ஒருவர் உங்களுடன் ஸ்டாலின் சிறப்பு முகாமில் நூற்றுக்கணக்கான மனு வழங்கி உள்ளேன் ஆனால் இதுவரை எந்த ஒரு நடவடிக்கையும் அதிகாரிகள் மேற்கொள்ளவில்லை எனவும், தங்கள் பகுதிக்கு சமுதாயக்கூடம் உள்ளிட்ட எந்த ஒரு அடிப்படை வசதிகளும் செய்து தரவில்லை, உங்களுடன் ஸ்டாலின் சிறப்பு திட்ட முகாமில் மனு அளித்தும் எந்த பயனும் இல்லை எனக் கூறி அங்கிருந்து பொதுமக்கள் இடையே இங்கு மனு அளிப்பது வேஸ்ட் என கூறி மனுக்களை வீசி எறிந்ததால் அங்கு பரபரப்பு ஏற்பட்டது.