திருப்பூரில் தங்கி பணியாற்றி வந்த வங்கதேசத்தினர் 7 பேருக்கு சிறை சிறை தண்டனை வழங்கி திருப்பூர் இரண்டாவது கூடுதல் மாவட்ட நீதிமன்ற நீதிபதி ஸ்ரீதர் தீர்ப்பளித்தார்.
திருப்பூர் மாஸ்கோ நகர் பகுதியில் கடந்த 17 -1 -2025 அன்று வடக்கு போலீசார் ரோந்து பணியில் ஈடுபட்டனர். அங்கு போலி ஆதார் அட்டையுடன் தங்கி இருந்த வங்கதேசத்தை சேர்ந்த மொக்தார், முகமது ஷாஜகான், முகமது ஹபீர் ஹுசைன், முகமது நௌரபி பரமனிக், இம்ரான் ஹுசைன், முகமது ரபிகுல் இஸ்லாம், முஹம்மது ராபினி மண்டல் ஆகிய ஏழு பேரை கைது செய்து சிறையில் அடைத்தனர்.
இது தொடர்பான வழக்கு விசாரணை திருப்பூர் இரண்டாவது கூடுதல் மாவட்ட நீதிமன்றத்தில் நடைபெற்று வந்தது. இந்த வழக்கில் தீர்ப்பு இன்று அளிக்கப்பட்டது. மொக்தார், முகமது நவ்ரபி பரமனிக், இம்ரான் ஹுசேன், முகமது ரபிக்குல் இஸ்லாம் ஆகிய நான்கு பேருக்கும் தலா ஐந்து ஆண்டு சிறை தண்டனை தலா ரூ.14,000 அபராதம் விதித்தும், முகமது ஷாஜகான், முகமது கபீர் உசேன், முகமது ராபினி மண்டல் ஆகியோருக்கு தலா இரண்டு ஆண்டு சிறை தண்டனை, ரூ 10,000 அபராதம் விதித்தும் நீதிபதி ஸ்ரீதர் தீர்ப்பு அளித்தார். இந்த வழக்கில் அரசு வக்கீல் பூமதி ஆஜராகி வாதாடினார்.