புதுக்கோட்டை நவ 12,
புதுக்கோட்டை மாவட்டம் அறந்தாங்கி..அமரசிம்மேந்திரபுரம் அருகே ஆத்தங்காடு அணைக்கட்டு பகுதியில் கோரை முற்புதற்காட்டுக்குள் பிறந்த சில மணி நேரங்களை ஆன நிலையில் பச்சிளம் பெண் குழந்தை உயிருடன் மீட்பு .
புதுக்கோட்டை மாவட்டம் அறந்தாங்கி ஊராட்சி ஒன்றியத்துக்கு உட்பட்ட அமரசிம்மேந்திரபுரம் பகுதியில் உள்ள ஆத்தங்காடு என்ற அணைக்கட்டு பகுதியில் கோரை புதர்கள் நிறைந்த பகுதியில் பிறந்து சில மணி நேரங்களிலே ஆன குழந்தை ஒன்றின் அழுகுரல் சத்தம் கேட்டுள்ளது. உடனே அருகே வயலில் களை எடுக்கும் பணியில் ஈடுபட்டிருந்த பெண்கள் ஓடி போய் பார்த்தபோது பிறந்த பச்சிளம் குழந்தையின் அழுகுரல் சத்தம் கேட்டு அதிர்ச்சி அடைந்தனர்.
விவசாய பணியில் ஈடுபட்டிருந்த பெண்கள் அங்கிருந்த கிராம நிர்வாக அலுவலர் தங்க நிலாவிற்கு தகவல் அளித்தனர்.
உடனடியாக விஏஓ தங்க நிலா 108 ஆம்புலன்ஸ்க்கு தகவல் அளித்து.. பின்னர் சம்பந்தப்பட்ட நாகுடி காவல் நிலையத்திற்கும் தகவல் கொடுத்து அங்கு உடனடியாக வந்த 108 ஆம்புலன்ஸ் மூலம் அமரசிம்மந்திரபுரம் முன்னாள் ஊராட்சி மன்ற தலைவர் கணேசன் ஆகியோருடன் இணைந்து குழந்தையை மீட்டு அறந்தாங்கி அரசு தலைமை மருத்துவமனைக்கு கொண்டு வந்து உடனடியாக குழந்தையை தீவிர சிகிச்சை பிரிவில் சேர்த்தனர்.
இத்தகவல் அறிந்த அறந்தாங்கி வட்டார மருத்துவர் இத்ரீஸ் மற்றும் மருத்துவ குழுவினர் உடனடியாக குழந்தையை இன்குபேட்டரில் வைத்து பச்சிளம் பெண் குழந்தைக்கு தொடர்ந்து தீவிர சிகிச்சை அளித்து வருகின்றனர்.
இச்சம்பவம் குறித்து நாகுடி போலீசார் வழக்கு பதிவு செய்து பல்வேறு கோணங்களில் தீவிர விசாரணை மேற்கொண்டு வருகின்றனர்.
பிறந்த சில மணி நேரத்திலே தாயாரால் புதர்களில் தூக்கி வீசப்பட்ட பச்சிளம் பெண் குழந்தை உயிருடன் மீட்டப்பட்ட சம்பவம் அறந்தாங்கி மற்றும் சுற்றுவட்டார பகுதிகளில் பெரும் பரபரப்பை ஏற்படுத்தி உள்ளது.
