வேலூர் அக்28,
வேலூர் அருகே பாலத்திற்குள் மூழ்கிய நபர். தண்ணீரை தடுக்க மணல் மூட்டைகளை அடுக்கிய போது விபரீதம்-ஆறு மணி நேரத்திற்கு பின் உடலை மீட்டனர் . அதன் விபரம் வருமாறு:-
வேலூர் மாவட்டம் திருவலத்தில் உள்ள பாலம் வழியாக அதிக அளவில் தண்ணீர் சென்று விளைநிலங்களை மூழ்கடித்தது. இதனால் அதனை மணல் மூட்டைகளைக் கொண்டு அடைக்கும் முயற்சியில் கெம்பராஜபுரம் கிராம மக்கள் ஈடுபட்டனர் . அப்போது எதிர்பாராத விதமாக கெம்பராஜபுரத்தை சேர்ந்த ஜெயக்குமார் என்பவர் நீரில் மூழ்கினார். அவர் உடலில் கயிறு கட்டி இருந்த போதும். கயிறுகள் அறுபட்டு அவர் நீருக்குள் மூழ்கினார் .
பொக்லைன் இயந்திரம் மூலம் அவரை மீட்க முயற்சி செய்த போதும் தண்ணீருக்குள் ஆழமாக சென்றதால் அவரை மீட்க முடியவில்லை.
சுமார் ஆறு மணி நேரமாக அவரை மீட்கும்முயற்சி தோல்வி அடைந்ததை அடுத்து தீயணைப்பு துறையினர் அங்கு வந்து அவரை மீட்கும் முயற்சியில் ஈடுபட்டு நீண்ட தேடுதலுக்கு பின்னர் ஜெயக்குமாரின் உடலை மீட்டனர் பாலாற்றிலிருந்து ஏரிக்கு செல்லும் நீரை குறைக்க மணல் மூட்டைகள் அடுக்கி அடைக்கும் பணியை செய்ய முயன்றவர் பலியான சம்பவம் சோகத்தை ஏற்படுத்தியுள்ளது