திருப்பத்தூர் அரசு பள்ளி விழாவில் தனது காரில் அமரவைத்து மாணவியின் ஆசையை நிறைவேற்றிய கலெக்டர்

திருப்பத்தூர் நவ 14,
மிதிவண்டி வழங்க வந்த நிகழ்ச்சியில் மாவட்ட ஆட்சியரிடம் மேடம் உங்க சீட்டை தொட்டு பார்க்கட்டுமா என்று கேட்ட அரசு பள்ளி மாணவிக்கு தன்னுடைய சீட்டை கொடுத்து அமர செய்து ஊக்கம் அளித்து உற்சாகப்படுத்திய மாவட்ட ஆட்சியர்


திருப்பத்தூர் மாவட்டம் திருப்பத்தூர் பகுதியில் இயங்கும் அரசு நிதி உதவி பெறும் ஸ்ரீ மீனாட்சி அரசு மகளிர் மேல்நிலைப் பள்ளியில் இன்று தமிழக அரசு சார்பாக 11ஆம் வகுப்பு பயிலும் மாணவிகளுக்கு விலையில்லா மிதிவண்டிகள் வழங்கும் நிகழ்ச்சி நடைபெற்றது. இந்நிகழ்ச்சியில் கலந்து கொண்ட பொதுப்பணித்துறை மற்றும் நெடுஞ்சாலைகள் மற்றும் சிறு துறைமுகங்கள் துறை அமைச்சர் ஏவா வேலு மாணவிகளுக்கு விலை இல்லா மிதி வண்டிகளை வழங்கி சென்ற போது மாவட்ட ஆட்சியர் சிவ சவுந்தரவள்ளியும் காரில் ஏற முற்பட்டார்.

அப்போது திருப்பத்தூர் மாவட்டம் திருப்பத்தூர் நகராட்சிக்கு உட்பட்ட வீட்டு வசதி வாரிய குடியிருப்பு பகுதியில் வசிக்கும் மாணவி இதே ஸ்ரீ மீனாட்சி அரசு மகளிர் மேல்நிலைப் பள்ளியில் 11ம் வகுப்பு படித்து வந்துள்ளதை தொடர்ந்து மாவட்ட ஆட்சியரிடம் சென்று மேடம் எனக்கு சின்ன வயதில் இருந்து கலெக்டர் ஆக வேண்டும் என்று ஆசை உங்களுடைய கார் சீட்டை தொட்டுப் பார்க்கட்டுமா என்று கேட்டார் இதனால் நெகிழ்ச்சி அடைந்த மாவட்ட ஆட்சியர் தொட்டு எல்லாம் பார்க்க வேண்டாம் உட்கார்ந்தே பார் என்று கூறி மாணவியை தன்னுடைய காரின் இருக்கையில் அமரச் செய்து ஊக்கப்படுத்தினார் இந்த சம்பவம் பள்ளியில் பயிலும் மாணவிகள் மத்தியில் மட்டுமின்றி ஆசிரியர்கள் மத்தியிலும் நெகழ்ச்சியை ஏற்படுத்தியது.