கூடலூர் நவ 20,
பந்தலூர் எம்ஜிஆர் நகரில் கழிவுநீர் செல்லும் கால்வாய் அமைத்து தரக்கோரி அதிகாரிகள் மற்றும் ஆளும் கட்சியினரிடம் பலமுறை தெரிவித்தும் எவ்வித நடவடிக்கையும் எடுக்காதப் படாததால் எதிர்வரும் சட்டமன்ற தேர்தலை புறக்கணிப்பதாக வீடுகளில் கருப்பு கொடி கட்டி நூதன முறையில் போராட்டம்.
நீலகிரி மாவட்டம் பந்தலூர் அருகே எம்ஜிஆர் நகர். பகுதியில் சுமார் 50-க்கும் மேற்பட்ட குடியிருப்புகள் உள்ள நிலையில் 12 ஆம் வார்டு இப்பகுதியில் கழிவு நீர் செல்ல கால்வாய் இல்லாததால் குடியிருப்பு வாசிகளுக்கு நோய் தொற்று ஏற்படுவதால் கழிவுநீர் கால்வாய் அமைத்து தர கோரி அதிகாரிகளிடம் பலமுறை தெரிவித்துள்ளனர். அதேபோல் கடந்த நாடாளுமன்ற தேர்தலில் போட்டியிட்ட வேட்பாளர்கள் இடம் கழிவுநீர் கால்வாய் அமைத்து தருமாறு அப்பகுதி மக்கள் கோரிக்கை வைத்த நிலையில், தேர்தலும் முடிந்தவுடன் அமைத்து தருவதாக கூறிச்சென்றதாக அப்போது மக்கள் தெரிவிக்கின்றனர். ஆனால் நாடாளுமன்றத் தேர்தல் நிறைவடைந்து ஒரு வருடம் ஆகியும் தற்போது வரை எந்த ஒரு நடவடிக்கையும் மேற்கொள்ளப் படாததால் இதனால் அதிருப்தி அடைந்த கிராம மக்கள் எதிர்வரும் சட்டமன்றத் தேர்தலை புறக்கணிப்பதாக தங்கள் வீடுகளில் கருப்பு கொடி கட்டி நூதன முறையில் போராட்டத்தில் ஈடுபட்டுள்ளனர்.
