தேனி,நவ.11
சின்னமனூர் அருகே அதிகாலை வெட்டி படுகொலை செய்யப்பட்ட விவசாயி
தேனி உத்தமபாளையம் தாலுகா, சின்னமனூர் ஜக்கம்மா கோவில் தெருவை சேர்ந்த பால்பாண்டி (60)
தனது வயலில் நெல் அறுவடை செய்து கீழப்பூலாந்தபுரம் விலக்கு பகுதியில் கொட்டி வைத்துள்ளார்.
இன்று அதிகாலை இரண்டு சக்கர வாகனத்தில் ஹெல்மெட் அணிந்து வந்த இரண்டு நபர்கள் பால்பாண்டியை சரமாரியாக வெட்டி படுகொலை செய்தனர்.
இதனைத் தொடர்ந்து, உறவினர்கள் தேனி – கம்பம் தேசிய நெடுஞ்சாலையில் கொலை குற்றவாளிகளை கைது செய்யக்கோரி சாலை மறியலில் ஈடுபட்டனர்.
சம்பவ இடத்திற்கு வந்த காவல்துறையினர் உறவினர்களிடம் பேச்சுவார்த்தை நடத்தி உடனடியாக குற்றவாளிகளை கைது செய்வதாக உறுதியளித்ததை தொடர்ந்து சாலை மறியல் கைவிடப்பட்டது.
பால்பாண்டியின் உடல் உடற்கூறு ஆய்விற்காக தேனி அரசு மருத்துவ கல்லூரி மருத்துவமனைக்கு அனுப்பி வைக்கப்பட்டது.