நாகப்பட்டினம் நவ 14,
கர்நாடகா அரசு மேகதாது அணை கட்டுவதற்கான திட்ட வரைவு அறிக்கையை தயார் செய்ய அனுமதி வழங்கிய உச்சநீதிமன்ற தீர்ப்பிற்கு விவசாயிகள் கடும் எதிர்ப்பு விவசாயிகள் சங்கங்களின் கூட்டு இயக்கம் சார்பில் உச்சநீதிமன்ற தீர்ப்பின் நகலை தீயிட்டு எரித்தும் ஒப்பாரி வைத்தும் போராட்டம் விவசாய சங்கங்களின் ஒருங்கிணைப்பாளர் தனபால் தலைமையில் ஆர்ப்பாட்டம்.
காவிரி நதியின் குறுக்கே மேகதாதுவில் அணை கட்டும் முயற்சியில் கர்நாடகா அரசு தொடர்ந்து ஈடுபட்டு வரும் நிலையில், அதற்கு எதிராக தமிழக அரசு சார்பில் உச்ச நீதிமன்றத்தில் வழக்கு நடைபெற்று வருகிறது.
மேகதாட்டில் அணை கட்டுவது, காவிரி நீர் பங்கீட்டில் உச்சநீதிமன்றம் வழங்கிய தீர்ப்புக்கு முரணானது எனவும் தமிழக அரசு வாதிடுகிறது.
இந்நிலையில், கர்நாடக அரசு வனத்துறை மற்றும் சுற்றுச்சூழல் துறையிடமிருந்து அனுமதி பெற்று, விரிவான திட்ட அறிக்கை (DPR) தயாரிக்க ரூ.1,500 கோடி ஒதுக்கியுள்ளது. இதற்கு எதிராக தமிழக அரசு மேகதாடு அணை திட்டத்திற்கான எந்தவொரு திட்ட வரைவு அறிக்கையும் தயார் செய்யக்கூடாது” என உச்ச நீதிமன்றத்தில் தடை கோரி மனு தாக்கல் செய்தது.
ஆனால், தற்போதைய உச்ச நீதிமன்றத் தீர்ப்பின் மூலம், கர்நாடகாவுக்கு திட்ட வரைவு அறிக்கையை தயார் செய்ய அனுமதி வழங்கப்பட்டிருப்பது தமிழகத்தில் கடும் எதிர்ப்பை கிளப்பியுள்ளது.
இந்த தீர்ப்பை கண்டித்து நாகை மாவட்டம் கீழ்வேளூர் கடைத்தெரு பகுதியில் தமிழ்நாடு விவசாயிகள் சங்கங்களின் கூட்டு இயக்கம் சார்பில் ஒப்பாரி போராட்டம் நடைபெற்றது.
இதில் உச்சநீதிமன்றத் தீர்ப்பின் நகல் எரிக்கப்பட்டதுடன், மத்திய அரசு மற்றும் கர்நாடக அரசை எதிர்த்து கோஷங்கள் எழுப்பப்பட்டன.
தமிழ்நாடு விவசாயிகள் சங்கங்களின் கூட்டு இயக்க தலைவர் காவிரி. தனபாலன் தலைமையில் நடைபெற்ற போராட்டத்தில்
காவிரி விவசாயிகள் பாதுகாப்பு சங்கத் தலைவர் மு. சேரன், விவசாயிகள் மற்றும் பெண் விவசாயிகள் பலர் பங்கேற்றனர்.
மத்திய மோடி அரசு டெல்டா விவசாயிகளை ஏமாற்றுவதாகவும் தமிழக அரசு உடனடியாக மறு சீராய்வு மனு தாக்கல் செய்ய வேண்டும். மேலும்,ஒரு வாரத்துக்குள் உரிய தீர்வை கிடைக்காவிட்டால் தமிழகம் தழுவிய வேலை நிறுத்தம் நடத்தப்படும்” எனவும் அவர்கள் எச்சரித்தனர்.