காஞ்சிபுரம் அக் 29,
காஞ்சிபுரம் மாவட்டம் திருப்பெரும்புதூர் அடுத்த வல்லம் வடகால் சிப்காட்டில் ஜே பி எண்டர்பிரைசஸ் என்ற ஹோம் அப்ளையன்ஸ் தயாரிக்கும் நிறுவனம் அமைந்துள்ளது.
இந்நிறுவனத்தில் 500க்கும் மேற்பட்ட ஊழியர்கள் வேலை செய்து வருகின்றனர்.
இந்த நிலையில் நேற்று இரவு 9:00 மணிக்கு பணி முடிந்து வேலையாட்கள் அனைவரும் தங்கள் இருப்பிடத்திற்கு சென்ற நிலையில் சுமார் நள்ளிரவு 12 மணி அளவில் திடீரென ஜே பி எண்டர்பிரைசஸ் பேக்கிங் பிரிவு பகுதியில் திடீரென தீப்பிடித்து முழுவதுமாக தீ பற்றி மளமளவென எரிய ஆரம்பித்தது.
நிறுவனத்தின் அருகிலேயே தங்கி இருந்த வடமாநில ஊழியர்கள் தீப்பிடித்து எரிவதை கண்டு உடனே நிறுவன மேலாளருக்கு தகவல் தெரிவித்துள்ளனர்.
உடனே விரைந்து வந்த நிறுவனம் மேலாளர் திருப்பெரும்புதூர் காவல் நிலையம் மற்றும் தீயணைப்பு துறையினருக்கு தகவல் அளித்த சூழலில் திருப்பெரும்புதூர் தீயணைப்பு துறையினர் மற்றும் ஒரகடம் தீயணைப்புத் துறையினர் விரைந்து வந்து மிகவும் போராடி தீயை அனைத்து வருகின்றனர்.
தீயணைப்புத் துறையினர் மிகவும் போராடி தீயை அணைத்து வரும் நிலையில் தீ கட்டுக்குள் வராமல் தீயானது பரவலாக பரவி எரிந்து வருகிறது.