திருவள்ளூர் அக் – 27,
திருவள்ளூர் அருகே கொசஸ்தலை ஆற்றில் ஏற்பட்டுள்ள வெள்ளப்பெருக்கால் தரைப்பாலத்தை முழ்கடித்து செல்வதால் ஆபத்தை உணராமல் தரைப் பாலத்தில் பொதுமக்கள் கடந்து சென்று வருகின்றனர்.
திருவள்ளூர் அடுத்த கடம்பத்தூர் அருகே ராமன் கோவில் வழியாக செல்லும் கொசஸ்தலை ஆற்றில் வெள்ளப்பெருக்கு ஏற்பட்டுள்ளது. இதனால் ராமன் கோவில் வழியாக மடத்துக்குப்பம் – குப்பம் கண்டிகை இடையே கொசஸ்தலை ஆற்றின் தரைப்பாலம் மூழ்கியுள்ளது, வருட வருடம் பருவமழை காலங்களில் தரைப்பாலம் சேதமடைந்து அப்பகுதியில் போக்குவரத்து துண்டிப்பு ஏற்படுகிறது இதனால் மடத்துக்குப்பம், குப்பகண்டிகை அக்கரக்குப்பம், செஞ்சி பணப்பாக்கம் , மணவூர், மேல்விளாகம், களியனூர், ஜாகீர் மங்கலம், தொழுதாவூர், எல்.வி.புரம் மருது வல்லிபுரம், காண்டிகை ,ராஜபத்மபுரம், இராஜரத்தனபுரம், பழையனூர், பொன்னகுளம், பகசாலை உள்ளிட்ட 20 கிராமங்களில் வசிக்கும் மக்கள் 25 கிலோமீட்டர் சுற்றி செல்லும் நிலை ஏற்படுகிறது, அதுமட்டுமின்றி ஆற்றில் வெள்ள பெருக்கு ஏற்பட்டு துண்டித்தால் அப்பகுதியில் உள்ள ரயில் தண்டவாளத்தில் ஆபத்தான முறையில் அப்பகுதி மக்கள் கடந்து சென்று வருகின்றனர், தற்போது ஆற்றின் தரைப்பாலத்தில் வெள்ள நீர் சென்று கொண்டிருக்கும் நிலையில் ஆபத்தை உணராமல் பொதுமக்கள் தரைப்பாலத்தை கடந்து சென்று வருகின்றனர். பல ஆண்டுகளாக ஏற்படும் பாதிப்பிலிருந்து மீள்வதற்கு அரசு அப்பகுதியில் உயர்மட்ட மேம்பாலம் அமைத்து தர வேண்டுமென மக்கள் கோரிக்கை வைத்துள்ளனர்