சட்ட விழிப்புணர்வு கருத்தரங்கில் பெண்கள் பாதுகாப்பு குறித்து குறும்படம் வெளியீடு
சிறப்பு விருந்தினராக முன்னாள் நீதிபதி பாலசந்திரன் பங்கேற்பு

கோவை நவ 3,

அகில இந்திய மக்கள் உரிமைகள் மற்றும் சட்ட விழிப்புணர்வு கழகத்தின் தேசிய கௌரவ தலைவர் முனைவர் நீதியரசர் மாண்புமிகு கற்பக விநாயகம் அவர்களின் வழிகாட்டுதல் படி இவ்வமைப்பின் நிறுவனத்தலைவர் முனைவர் ஆர்.கே.குமார் தலைமையில் சட்ட விழிப்புணர்வு கருத்தரங்கு கோவை ஏடிடி காலனி பகுதியில் உள்ள கேரளா கிளம்பி உள்ள அரங்கில் நடைபெற்றது.

இந்த நிகழ்வில் பெண்கள் பாதுகாப்பு குறித்த குறும்படம் மற்றும் சுற்றுச்சூழலை காக்க மரம் வளர்ப்பது குறித்த குறும்படங்கள் வெளியிடப்பட்டது.
இந்த குறும்படங்களில் பெண்கள் மற்றும் பெண் குழந்தைகள் பாதுகாப்பு குறித்தும் எவ்வாறு தங்களை சட்டப்படி காத்துக்கொள்ள வேண்டும் என்று விழிப்புணர்வு ஏற்படுத்தும் விதமாக வெளியிடப்பட்டது.மேலும் பசுமையான சுற்றுச்சுழலை உருவாக்கும் நோக்கில் மரங்களை பாதுகாப்பு மற்றும் புதிய மரங்களை நடுவதன் மூலம் கிடைக்கும் நன்மைகளை எடுத்துரைக்கும் விதமாக இந்த குறும்படம் அமைந்திருந்தது.

இந்த கருத்தரங்கில் சிறப்பு விருந்தினராக முன்னாள் மாவட்ட மற்றும் அமர்வு நீதிபதி மற்றும் முன்னாள் மாவட்ட நுகர்வோர் குறைதீர்ப்பு ஆணையத்தின் தலைவர் பாலசந்திரன் கலந்து கொண்டு சிறப்புரை ஆற்றினார். அவர் பேசும் போது பொதுமக்கள் என்னென்ன காரணங்களுக்காக நுகர்வோர் நீதிமன்றத்தை அணுகலாம், எவ்வாறு அணுகலாம் என்பதனை விரிவாக விழிப்புணர்வு ஏற்படுத்தும் வகையில் பேசினார். அதுமட்டுமின்றி தான் நீதிபதியாக பணியாற்றிய காலத்தில் நுகார்வோர் வழக்குகளை எவ்வாறு விசாரித்த ஏழை எளிய மக்கள் பயன்பெறும் வகையில் நீதி வழங்கினார் என்பதை விரிவாக உரையாற்றினார்.

இந்த கருத்தரங்கில் இந்தியா சட்டம் என்ற தலைப்பில் மூத்த வழக்கறிஞர் சுந்தரவடிவேலு உரையாற்றினார்.

அவர் பேசுகையில் இந்தியாவின் சுதந்திர அடைந்த போது பிரிட்டிஷ் அரசு நமக்கு எவ்வாறு சுதந்திரம் வழங்கியது, எந்தெந்த பகுதிகளை நமக்கு தந்தனர் அதேபோல் புதுக்கோட்டை, டெல்லி,டையூர்,டாமன்,திருச்சூர் போன்ற பகுதிகளில் நாம் 1950-ல் குடியரசு அடைந்த போது எவ்வாறு இந்தியாவுடன் இணைந்தது.அதற்கு எவ்வாறு இந்திய அரசியல் அமைப்புச் சட்டம் உதவிகரமாக இருந்தது. அதேபோல் இந்திய அரசியல் அமைப்புச் சட்டம் தான் உலகத்திலேயே சிறந்து விளங்குகிறது அதற்கு காரணம் ஜனநாயக ரீதியில் இந்திய அரசியல் அமைப்புச் சட்டம் பாபாசாகேப் டாக்டர் பி.ஆர்.அம்பேத்கர் அவர்களின் தலைமை அமைந்துள்ளது. இன்று வரை இந்திய அரசியல் அமைப்புச் சட்டம் 108 முறைகளுக்கு மேல் திருத்தி அமைக்கப்பட்டுள்ளது.என விரிவாக பேசினார்.

இவரை தொடர்ந்து சட்டமே பாதுகாப்பு என்ற தலைப்பில் மூத்த வழக்கறிஞர் தேன்மொழி இந்திய அரசியல் அமைப்பு சட்டம் எவ்வாறு வெகுஜன மக்களை பாதுகாப்பு வழங்குகின்றது என்பதனை மிகவும் தெளிவாகவும் அனைவரும் எளிதில் புரியும் வகையில் எடுத்துரைத்தார்.

அவரை தொடர்ந்து பெண்கள் மற்றும் குழந்தைகள் பாதுகாப்பு என்ற தலைப்பில் விழிப்புணர்வு ஏற்படுத்தும் வகையில் வழக்கறிஞர் பரமேஸ்வரி பேசினார். அவர் பேசும் போது அலுவலகத்தில் பணிபுரியும் பெண்களுக்கு எவ்வாறு எல்லாம் பாலியல் துன்புறுத்தல் வருகின்றது அதை எவ்வாறு எதிர் கொள்வதும் என்றும் குழந்தைகள் மீது பாலியல் சீண்டல் செய்தல் அவர்களுக்கு தூக்கு தண்டனை வழங்கும் வகையில் நமது இந்திய அரசியல் அமைப்புச் சட்டம் வடிவமைக்கப்பட்டுள்ளது என்பதனை சிறப்பாக எடுத்துத் எடுத்துரைத்தார். மேலும் சட்டம் நமக்கு பாதுகாப்பாக இருக்கின்றது சட்டத்தை எவ்வாறு அணுகுவது என்பதில் தான் பெண்களுக்கு விழிப்புணர்வு இல்லை அந்த பணியை செய்து வரும் அகில இந்திய மக்கள் உரிமைகள் மற்றும் சட்ட விழிப்புணர்வு கழகம் சிறப்பாக செய்து வருகின்றது அவர்களுக்கு எனது மனமார்ந்த நன்றிகளை தெரிவித்துக் கொள்கிறேன் என உரையாற்றினார்.

இவர்களை தொடர்ந்து பேசிய கட்டிடக்கலை பீடம்,கற்பகம் உயர்கல்வி அகாடமியின் நிறுவனத்தலைவர் கதிரவன் பேசுகையில் இன்றைய சூழ்நிலையில் மாணவர்கள் போதை பழக்கங்களுக்கு அடிமையாகி வருவதையும், மேலும் அவ்வாறு அடிமையாக இருப்பதால் சமூக எவ்வாறு சீரழிகிறது என்பதை மிகவும் மிகவும் வேதனையுடன் எடுத்துக்கூறினார். மேலும் தான் முதல்வராக பணியாற்றி வரும் கல்லூரியில் நடந்த நிகழ்வை எவ்வாறு சட்டப்படியும் மனிதாபிமானத்துடன் எவ்வாறு எதிர் கொண்டார் என்பதை விளக்கி கூறினார். அதேபோல இன்றைய காலத்தில் சட்ட விழிப்புணர்வு எவ்வளவு முக்கியமோ அதே அளவிற்கு மாணவர்களுக்கு ஒழுக்கம் என்பது மிகவும் அவசியமான ஒன்று ஆகவே ஒழுக்கம் குறித்து ஒரு குறும்படம் எடுக்க வேண்டும். அதை உயர்நிலைப்பள்ளி படிப்பான் 6 ம் வகுப்பு முதல் கல்லூரி படிக்கும் மாணவர்களுக்கு காட்சி படுத்த வேண்டும் என கூறினார்.இந்த பணி அகில இந்திய மக்கள் உரிமைகள் மற்றும் சட்ட விழிப்புணர்வு கழகம் செய்ய வேண்டும் என கோரிக்கை வைத்து தனது உரையை நிறைவு செய்தார்.

நிகழ்வில் இறுதியாக சிறந்த முறையில் பணியாற்றியவர்களான மாவட்ட துணை தலைவர்கள் செந்தில்குமார், வழக்கறிஞர் ஜெயபிரகாஷ், டாக்டர் ராஜேந்திரன்,மோகனசாமி,சந்தீப் ஆரோக்கிராஜ்,மகளிரணி மாவட்ட துணை தலைவர் எல்ஐசி சாந்தி ஆகியோருக்கு பாராட்டு மாற்றுதல் வழங்கப்பட்டது.

இந்த கருத்தரங்கிற்கு  இவ்வமைப்பின் பொதுச்செயலாளர் வி.எச்.சுப்ரமணியம் விழா பேருரையாற்றினார்.

இவவமைப்பின் மாநில மகளிரணி தலைவி லதா அர்ஜூனன்,மாநில தலைவர் ராஜேஷ்குமார் ஆகியோர்  தலைமை வகித்தார்.திருப்பூர் மாவட்ட துணைத் தலைவரும் குறும்பட இயக்குனருமான குமார் தங்கவேல் குறும்படம் குறித்து விளக்க உரையாற்றினார். இந்த நிகழ்ச்சியை இவ்வமைப்பின் இயக்குனர் ஜஸ்வர்யா தொகுத்து வழங்கினார். சிவக்குமார் இவ்வமைப்பின் நிறுவனத்தலைவர் முனைவர் ஆர்‌‌.கே.குமார் அவர்களிடம் விண்ணம் வழங்கி தன்னை இணைத்துக்கொண்டார்.

இந்த நிகழ்வில் ரம்யா பாபு, கிருஷ்ணகுமார், சிவசங்கர்,அமிர்த லிங்கம், டிராவல்ஸ் ரமேஷ்,விஜயராவ், வழக்கறிஞர் சுரேஷ்,திருப்பூர் ராமசாமி மற்றும் அமைப்பின் பொதுக்குழு செயற்குழு உறுப்பினர்கள்,பொதுமக்கள் திரளாக கலந்து கொண்டு சிறப்பித்தனர்.