திண்டுக்கல் நவ 11,
மக்கள் அதிமுகவை நம்ப தயாராக இல்லை. அதிமுக நினைக்கிறது எங்களுக்கு 20, 22, 18 சதவீதங்கள் உள்ளது என ஆனால் 20% இல்லை 18% இல்லை அதற்கு கீழ் சென்றாலும் செல்லும்.
அதிமுக பொதுச் செயலாளர் மக்களால் தேர்ந்தெடுக்கப்பட்ட முதல்வர் அல்ல. அதிர்ஷ்டத்தால் வந்தவர்.
திண்டுக்கல் மாவட்டத்தில் டி எம் எஸ் எஸ் பள்ளியில் காணொளி காட்சி மூலம் அன்புச் சோலை திட்டத்தை (முதியோர் பராமரிப்பு மையத்தை) முதலமைச்சர் மு க ஸ்டாலின் தொடங்கி வைக்கிறார்.
இந்த காணொளி காட்சி நிகழ்ச்சியில் அமைச்சர் ஐ பெரியசாமி, திண்டுக்கல் எம்பி சச்சிதானந்தம், மாவட்ட ஆட்சியர் சரவணன் ஆகியோர் கலந்து கொண்டுள்ளனர்.
பின் அமைச்சர் ஐ பெரியசாமி செய்தியாளர்களை சந்தித்து பேசும் போது,
அன்புச் சோலை என்பது நல்ல திட்டம். இதே போல் முதியவர்களுக்கு தாயுமானவர் திட்டம் என பல்வேறு திட்டங்கள் மக்களை நோக்கி செல்லக்கூடிய திட்டங்களாக உள்ளது.
அனைத்து தரப்பு மக்களுக்கும் சேவை செய்யக்கூடிய சிறந்த முதல்வராகவும், அரசாகவும் தமிழக முதல்வர் மு க ஸ்டாலின் இருந்து வருகிறார்.
திமுக எதற்கும் பதறவில்லை. அனைவரும் மனசாட்சி தொட்டு சொல்ல வேண்டும்.
2 மாதங்களில் தேர்தல் தேதி அறிவிக்கப்படும். தற்போது SIR மூலம் சேர்ப்பது, முழு விவரங்களை வெளியிடுவது, குறைகளை நீக்குவது, இதற்கான கால அவகாசங்கள் இல்லை. தேர்தலை முடித்த பின்பு ஒரு வருடம் கூட SIR நடத்துங்கள் யாரும் வேண்டாம் என்று சொல்லவில்லை.
தற்போது எதற்கு SIR நடத்த வேண்டிய அவசியம் வந்துள்ளது.
2002 மற்றும் 2004 SIR எடுத்துள்ளனர். அதில் உள்ள வாக்காளர்கள் திரும்பவும் வாக்காளராக வந்துள்ளனர். புதிய வாக்காளர்கள் வரும் ஜனவரி வரை பதிவு செய்யலாம் இது சாதாரண நடைமுறை இதற்கு SIR தேவையில்லை.
SIR கால அவகாசம் தேவை. இதில் தவறுகள் வந்து விடக்கூடாது. விடுபட்டு விடக்கூடாது அதையே நாங்கள் கூறுகிறோம். அவசரக் கோலத்தில் அள்ளி தெளித்து தேர்தல் முறைகேடில் ஈடுபடுவதற்கும், பல மாநிலங்களில் இந்த முறைகேடுகளை செய்து மத்திய பாஜக அரசு வெற்றி பெற்று உள்ளது. அதே நிலையை தமிழ்நாட்டிலும் கொண்டு வர வேண்டும் என முயற்சி செய்கின்றனர் அது நிச்சயமாக நடக்காது.
மத்திய அரசின் SIR முயற்சி நடக்காது என்றாலும், வாக்குரிமை இல்லை என்றால் அனைவரும் வருத்தப்படுவார்கள்.
SIR படிவத்தில் எழுத்துப் பிழைகள் இருந்தால் அந்த விண்ணப்பம் செல்லாது என கூறுகின்றனர். எழுத்துப் பிழையால் செல்லாது என்றால் வாக்குரிமையை பறிப்பதற்கு எந்த சட்டத்தில் இடம் உள்ளது.
படிவத்தில் சிறிய பிழைகள் வந்தால் அதற்கு மீண்டும் படிவம் கொடுக்க மாட்டார்களாம். அவர்கள் மீண்டும் வாக்காளர்களாக வர முடியாது. இது சரியானதா?
போலி வாக்காளர்கள் மூலமாகத்தான் திமுக வெற்றி பெற்றுள்ளது என்று நத்தம் விசுவநாதன் கூறியது குறித்த கேள்விக்கு
இவ்வளவு நாள் எங்கே சென்றீர்கள். இதுவரை போலி வாக்காளர்கள் வைத்து திமுக வெற்றி பெற்றோம் என எங்கேயாவது பேசினார்களா?அவர்களது பொதுச் செயலாளர் பழனிச்சாமி பேசினாரா? யாரும் பேசவில்லை. அவர்களுக்கு தேர்தலில் நம்பிக்கை இல்லை.
தேர்தலில் நம்பிக்கை இல்லாமல் சந்திக்கக்கூடிய ஒரே இயக்கம் அதிமுக. இன்று இல்லை, நாளை இல்லை, வருட வருடம் தேர்தல் வைத்தாலும் திமுக அதனை சந்திக்கும்.
திமுக அடித்தளம் உறுதியாக உள்ளது. அதிமுகவில் அடித்தளம் இல்லாத தலைமை உள்ளது.
திமுக என்பது இரும்பு எஃகு கோட்டை.
முதலமைச்சர் மு க ஸ்டாலின் கோடி தொண்டர்களின் நம்பிக்கையைப் பெற்று கட்சியின் தலைவராக மாறியுள்ளார். பின் 8 கோடி மக்களின் நம்பிக்கை பெற்று முதல்வராக வந்துள்ளார்.
ஆனால் அதிமுக அப்படி வரவில்லை. அவர்கள் பொதுச் செயலாளர் மக்களால் தேர்ந்தெடுக்கப்பட்ட முதல்வர் அல்ல. அதிர்ஷ்டத்தால் வந்தவர்.
ஒரு தேர்தலில் கூட வெற்றி பெறவில்லை. இடைத்தேர்தல் பாராளுமன்ற தேர்தல் சட்டமன்றத் தேர்தல் உள்ளாட்சித் தேர்தல் என எதிலும் வெற்றி பெறவில்லை. காரணம் தலைமை சரியில்லை.
மக்கள் அதிமுகவை நம்ப தயாராக இல்லை. அதிமுக நினைக்கிறது எங்களுக்கு 20, 22, 18 சதவீதங்கள் உள்ளது என ஆனால் 20% இல்லை 18% இல்லை அதற்கு கீழ் சென்றாலும் செல்லும்.
மழை புயல் சுனாமி இயற்கை சீற்றத்திற்கு பாதிப்பு வந்தால் அரசு விவசாயிகளை பாதுகாக்கும்.
தமிழ்நாட்டில் இலவச மின்சாரம் முன்னாள் முதல்வர் கருணாநிதி கொடுக்கவில்லை என்றால் நான் உட்பட விவசாயியாக இருக்க முடியாது. முதியோர் இல்லத்தில் தான் இருக்கனும். வசதிகளில்லை வாய்ப்புகள் இல்லை.
விவசாயிகளுக்கு இலவசம் மின்சாரமே அவர்களின் உயிரை காப்பாற்றி வருகிறது.
முன் காலத்தில் விவசாயிகள் மாதம் 31ஆம் தேதி வந்தவுடன் அடகு கடைகளை தேடி கொண்டு இருப்பார்கள். அப்போது மின்சாரம் இல்லாமல் ஓடிய காலம் ஒரு காலம். அதை மாற்றி வரும் முன்னால் முதல்வர் கருணாநிதி. விவசாயிகளை காப்பாற்றியது திமுக.
தமிழ்நாட்டின் வரலாற்றில் இலவச மின்சாரம் என்பது முக்கிய அங்கம்*
முதல்வரின் தொகுதியில் 80,000 போலி வாக்காளர்கள் உள்ளனர் என அதிமுக வைகைச் செல்வன் கூறியது குறித்த கேள்விக்கு*
வாய்க்கு வந்ததை வைகைச் செல்வன் கூறிவிட்டு சென்றுள்ளார்.
வைகை செல்வன் போலி வாக்காளர்களுக்கான ஆதாரத்தை கொடுக்க வேண்டும். எதற்காக ஆதாரம் வேண்டும் என்றால் அவர் கூறியது முற்றிலும் பொய்யானது.
4 வருடங்களாக வைகைச் செல்வன் எங்கு இருந்தார். இதுவரை ஒருவர் கூட தலை காட்டவில்லை தேர்தல் வந்தவுடன் மக்கள் இடம் அழுது வாக்குகளை வாங்கி ஆட்சிக்கு வர முடியுமா என பார்க்கிறார்கள்.
அதிமுக ஆட்சிக்கு வர வேண்டும் என நினைக்கவில்லை கட்சி இருந்தால் போதும் என நினைக்கிறார்கள்.