குடியாத்தம் ஒருங்கிணைந்த நீதிமன்றத்தை சூழ்ந்த ஏரி தண்ணீர் குடியிருப்புகளை காலி செய்த நீதிபதிகள்

வேலூர் அக் 28,
குடியாத்தம் ஒருங்கிணைந்த நீதிமன்றத்தை சூழ்ந்த ஏரி தண்ணீர் குடியிருப்புகளை காலி செய்த நீதிபதிகள்.


நீர் நிலையிலிருந்து அகற்றப்பட்டு சாதாரண இடமாக மாற்றி 2010 ஆம் ஆண்டு கட்டப்பட்ட நீதிமன்றத்தின் அவல நிலை.

நீர்நிலைகளில் உள்ள ஆக்கிரமிப்புகளை அகற்றும் நீதிமன்றமே நீர் நிலையில் இருக்கின்றதா என பொதுமக்கள்  கேள்வி.


வேலூர் மாவட்டம் குடியாத்தம் அடுத்த காந்தி நகர் பகுதியில் 2010 ஆம் ஆண்டு கட்டப்பட்ட ஒருங்கிணைந்த நீதிமன்றம் குடியாத்தம் கேவி குப்பம் பேரணாம்பட்டு பரதராமி சைன குண்டா உள்ளிட்ட பகுதிகளில் நடக்கும் குற்றங்களுக்கு இந்த நீதிமன்றம் தான் பிரதான நீதிமன்றமாக திகழ்ந்து வருகிறது.

இந்த கட்டிடமானது காந்தி நகர் பகுதியில் உள்ள சுமார் 70 ஏக்கர் பரப்பளவு கொண்ட ஏரி  20 ஆண்டுகளாக நீர்வரத்து இல்லாததால் நீர் நிலையில் இருந்து சுமார் 2.5 ஏக்கர் இடத்தை அகற்றப்பட்டு 2010 ஒருங்கிணைந்த நீதிமன்றம் கட்டி திறக்கப்பட்டது.

இந்நிலையில் ஒருங்கிணைந்த நீதிமன்ற கட்டிடத்தில் குற்றவியல் நடுவர் நீதிமன்றம் மாவட்ட உரிமையியல் நீதிமன்றம் சார்பு நீதிமன்றம் என மூன்று நீதிமன்றங்களை உள்ளடக்கிய ஒருங்கிணைந்த நீதிமன்றம் கட்டிடமாகும்.

இந்த ஒருங்கிணைந்த நீதிமன்ற கட்டிடத்திற்கு பின்புறத்தில் நீதிபதிகள் தங்குவதற்கான குடியிருப்புகள் கட்டப்பட்டிருந்த நிலையில்
தற்போது ஏரியில் தண்ணீர் நிரம்பி அருகில் இருக்கும் நீதிமன்றத்திற்குள் நுழைந்து நீதிமன்ற கட்டிடம் மற்றும் நீதிபதிகள் குடியிருப்பு கட்டிடம் சூழ்ந்துள்ளதால் நீதிபதிகள் குடியிருப்புகளை காலி செய்து வேறு இடத்திற்கு சென்றுள்ளனர்.

மேலும் வழக்கறிஞர்கள் தனது வாகனங்களை நிறுத்த முடியாமல் அவதிப்பட்டு வருகின்றனர்.

இந்த ஏரி தண்ணீர் நீதிமன்றத்தை சூழ்ந்துள்ளதால் நீதிமன்ற கட்டிடம் பாதிப்புக்கு உள்ளாகும் என வழக்கறிஞர்கள்  வேதனை தெரிவிக்கின்றனர்.

எனவே நீதிமன்ற கட்டிடத்திற்குள் உள்ள ஏரி தண்ணீரை அகற்றி நீதிமன்ற கட்டிடத்திற்குள் ஏரி தண்ணீர் வராமல் நடவடிக்கை எடுக்க வேண்டும் என வழக்கறிஞர்கள் கோரிக்கை வைத்துள்ளனர்.

குறிப்பு: நீர்நிலைகளை ஆக்கிரமிப்பு செய்துள்ள வீடுகளை அகற்ற நீதிமன்றம்  உத்தரவிடுகிறது ஆனால் நீதிமன்றமே நீர் நிலையில் இருப்பது பொதுமக்கள் மத்தியில் பெரும் அதிர்ச்சியை ஏற்படுத்தி உள்ளது.