தென்காசி அக்27
தென்காசி மாவட்டம் கடையநல்லூர் நகராட்சியில் அக்டோபர் 28 (நாளை) முதல் நான்கு நாட்களுக்கு குடிநீர் விநியோகம் இருக்காது. என ஆணையர் திருமதிலட்சுமி தெரிவித்துள்ளார் அத்தியாவசிய மற்றும் அவசிய பணிகளுக்கு மாற்று ஏற்பாடு நகர்மன்ற தலைவர் முனைவர் மூப்பன் ஹபீபுர் ரஹ்மான் தெரிவித்துள்ளார். இதுகுறித்து நகராட்சி ஆணையர் லட்சுமி விடுத்துள்ள செய்திகுறிப்பில் கூறியிருப்பதாவது.
கடையநல்லூர் நகராட்சியின் தலைமை பணியிடத்தில் இருந்து மேல்நிலை நீர்தேக்கத்தொட்டிகளுக்கு நீரேற்றும் பிரதான குழாயில் உள்ள பழுதுகளை சரிசெய்ய வேண்டி இருப்பதால் 28.10.2025 (செவ்வாய் கிழமை) முதல் 31.10.2025 வெள்ளிக் கிழமை வரை குடிநீர் விநியோகம் இருக்காது. எனவே,குடிநீரை சிக்கனமாக பயன்படுத்த பொதுமக்கள் கேட்டுக்கொள்ளப்படுகிறார்கள். இவ்வாறு அந்த செய்தி குறிப்பில் கூறப்பட்டுள்ளது. மேலும் மாற்று வழிகளில் நான்கு நாட்கள் பராமரிப்பு மற்றும் பழுது நீக்கும் பணிகள் நடைபெறும் நிலையில் பொதுமக்கள் நலன் பாதிக்காத வகையில்
மாற்று வழிகளில் தேவைப்படும் பகுதிகளுக்கு குடிநீர் விநியோகம் செய்யப்படும் என நகர்மன்ற தலைவர் முனைவர் ஹபீபுர்ரஹ்மான் தெரிவித்துள்ளார்.
மேலும் தற்போது வடகிழக்கு பருவ மழை தொடர்ந்து பெய்து வருவதால் குடிநீரை காய்ச்சி பருக வேண்டும் சிறு குழந்தைகள் மற்றும் வயது முதிர்ந்தோர் தொடர்ந்து காய்ச்சல் காணப்பட்டால் அரசு மருத்துவமனை மற்றும் நகர்ப்புற சுகாதார மேம்பாட்டு நிலையங்களை அணுகி சிகிச்சை பெற வேண்டும் எனவும் கேட்டுக் கொண்டுள்ளனர்