சபரிமலை அய்யப்பன் கோவில் நடை திறப்பு – கார்த்திகை பிறந்தது குவிந்த பக்தர்கள்

கேரளா நவ 18,

கேரளா மாநிலம் சபரிமலை ஐயப்பன் திருக்கோவிலில் மண்டல பூஜை துவக்கத்தை யொட்டி திரு நடை திறப்பு
பக்தர்கள் திரளாக குவிந்து விண்ணை பிளக்கும் சரண கோஷம் எழுப்பி சாமி தரிசனம்.

கேரளா மாநிலம் பத்தனம்திட்ட மாவட்டத்தில் உலக  பிரசித்த பெற்ற சபரிமலை ஐயப்பன் திருக்கோவில் அமைந்துள்ளது இத்திருக்கோவிலில் ஆண்டுதோறும் மண்டல மகரவிளக்கு பூஜைகளில் பல லட்சகணக்கான  பக்தர்கள் இருமுடி கட்டிவந்து பம்பையாற்றில் நீராடி பம்பை கணபதி பகவானை தரிசித்து அங்கிருந்து  நீலிமலை அப்பாசிமேடு மலைகள் ஏறி 18 ஆம் படி வழியாக  சாமி தரிசனம் மேற்கொள்வது வழக்கம் இதேபோல் மாதந்தோறும் 5 நாட்கள் நடைதிறக்கபட்டு பக்தர்கள் தரிசனம் மேற்கொண்டும் வருகின்றனர்.

இந்த ஆண்டு கார்த்திகை முதல்நாள் நாளை வருவதையொட்டி சபரிமலை ஐயப்பன் திருக்கோவில் திருநடையை ஆலய தந்திரி கண்டரூ மகேஷ்வரரு தம்பூதிரி முன்னிலையில் சபரிபலை மேல்சாந்தி அருண்நம்பூதிரி  திறந்துவைத்தார்   துவக்கநாளாக இன்றே சுமார் 40ஆயிரத்திற்கும் அதிகமாக பக்தர்கள் குவிந்து வருகின்றனர்.

தொடர்ந்து இன்று அதிகாலை முதலே பம்பையில் காத்திருந்த ஐயப்ப பக்தர்கள் நடைதிறக்கபட்டதையொட்டி 18படிவழியாக சன்னிதானத்தில் வந்து விண்ணை பிளக்கும் சரணகோஷத்துடன் சாமிதரிசனம் மேற்கொண்டுவருகின்றனர் தரிசனத்திற்காக வரும்  பக்தர்களின் பாதுகாப்பை கருத்தில் கொண்டு கேரளா ரிசர்வ் காவல்துறையினர் மத்திய ரிசர்வ் காவல்துறையினர் உட்பட 2ஆயிரத்திற்கும் அதிகமான காவல்துறையினர் சபரிமலை சன்னிதானம்,புல்மேடு பாதை,பம்பை நிலக்கல் உள்ளிட்ட பகுதிகளில் பாதுகாப்பு பணியில் ஈடுபடுத்தபட்டுள்ளனர்