திருப்பூர் நவ 11,
திருப்பூர் நொய்யல் வீதியில் உள்ள மாநகராட்சி அரசு தொடக்கப் பள்ளியில் ஒன்று முதல் ஐந்தாம் வகுப்பு வரையிலான மாணவ மாணவிகளுக்கு வீடியோக்கள் மூலம் சைகை மொழி பாடம் கற்பிப்பு.
அரசு பள்ளிகளில் படிக்கும், செவித்திறன் பாதிக்கப்பட்ட மாணவ – மாணவியருக்கு, கல்வி கற்பிப்பதற்காக, ஒருங்கிணைந்த பள்ளிக்கல்வி திட்ட மாநில இயக்ககம் சார்பில், அரை மணி நேர சைகை மொழி வீடியோக்கள் தயாரிக்கப்பட்டு உள்ளன. இவை, கல்வி தொலைக்காட்சியில், இன்று முதல், காலை 11:00 மணி மற்றும் மாலை 5:00 மணிக்கு ஒளிபரப்பப்படுகின்றன. இதில், ஆங்கில எழுத்துக்கள், எண்கள், வார நாட்கள், நிறங்கள், வாழ்த்துகள், மாதங்கள், உணவுப் பொருட்கள், குடும்ப உறுப்பினர்கள், நடத்தைகள், வெளிப்பாடுகள் உள்ளிட்ட பாடங்கள் வீடியோக்களாக தயாரிக்கப்பட்டுள்ளன. இவற்றை பார்த்து, செவித்திறன் பாதிக்கப்பட்ட, மாணவ – மாணவியருக்கு கற்பிக்கலாம். அந்த வகையில் திருப்பூரில் நொய்யல் வீதியில் உள்ள மாநகராட்சி தொடக்கப்பள்ளியில் ஒன்று முதல் ஐந்தாம் வகுப்பு வரை பயிலும் மாணவ மாணவிகளுக்கு யூடியூபில் வீடியோ ஒளிபரப்பு மூலம் சைகை மொழி பாடங்கள் கற்பிக்கப்பட்டது. வகுப்பில் உள்ள மாணவ மாணவிகள் திரையில் காண்பிக்கப்படும் படங்களுக்கு ஏற்படவும் திரையில் போன்று பவர் பேசும் மற்றும் காட்டும் சைகைகளுக்கு ஏற்றவாறு தங்களது உடல் மொழிகளை அசைத்து சைகை மொழியை பயின்றனர். சிறப்பு குழந்தைகளுக்காக மட்டுமின்றி மற்ற குழந்தைகளும் இந்த சைகை மொழியை கற்றுக் கொள்வதன் மூலம் சிறப்பு குழந்தைகளுடன் எளிதாக தொடர்பு கொள்ள முடியும் உரையாட முடியும் நட்பு பாராட்ட முடியும் என்பதால் அனைத்து அரசு பள்ளிகளிலும் இதற்கான ஏற்பாடுகள் செய்யப்பட்டுள்ளது.