பிரதமர் மோடி, எடப்பாடி பழனிச்சாமியை கண்டித்து உருவபொம்மை எரித்து தமிழ் புலிகள் போராட்டம்.

கோவை அக் 31,
கோவை மாவட்ட ஆட்சியர் அலுவலகம் முன்பு தனியார் தொலைக்காட்சி விவாத நிகழ்ச்சியில் பட்டியலின மக்களை இழிவாக பேசிய அதிமுக செய்தி தொடர்பாளர் கோவை சத்யன் மற்றும் பீகார் தேர்தல் பிரச்சாரத்தில் தமிழர்களை இழிவாக பேசிய பிரதமர் மோடியை கண்டித்து தமிழ் புலிகள் கட்சியினர் போராட்டத்தில் ஈடுபட்டனர்.

அக்கட்சியின் பொதுச்செயலாளர் இளவேனில் தலைமையில் நடைபெற்ற போராட்டத்தின்போது, மோடி மற்றும் எடப்பாடியின் உருவ படங்களை கொண்ட ஒரு உருவ பொம்மையை எரித்து கண்டனம் தெரிவித்தனர்.

பட்டியலின மக்களை இழிவாக பேசிய கோவை சத்யன் மீது அக்கட்சியின் பொதுச்செயலாளர் எடப்பாடி பழனிச்சாமி எந்த நடவடிக்கையும் எடுக்கவில்லை எனவும், பீகார் தேர்தல் பிரச்சாரத்தில் தமிழர்களை கேவலமாக பேசி நாட்டின் அமைதியை கெடுக்கும் வகையில் பிரதமர் மோடி பேசியிருப்பதாகவும் அக்கட்சியினர் குற்றம்சாட்டினர். இதையடுத்து போராட்டத்தில் ஈடுபட்ட ஒரு பெண் உட்பட 12 பேரை போலீசார் கைது செய்தனர். இந்த போராட்டம் காரணமாக கலெக்டர் அலுவலகம் முன்பு சிறிது நேரம் பரபரப்பு ஏற்பட்டது.

—