மதுரை,அக்.31
வைகை அணையிலிருந்து உசிலம்பட்டி 58 கால்வாய்க்கு திறக்கப்பட்ட வைகை நீர். ஆசிய கண்டத்தின் 2வது மிக நீளமான தொட்டிப்பாலத்தை வந்தடைந்தது
மதுரை உசிலம்பட்டியின் கனவு திட்டமான 58 கால்வாய் திட்டத்திற்கு தண்ணீர் திறக்க கோரி விவசாயிகள் வைத்த தொடர் கோரிக்கையின் அடிப்படையில் நேற்று முன்தினம் வைகை அணையிலிருந்து உசிலம்பட்டி 58 கால்வாய்க்கு தண்ணீர் திறக்கப்பட்டது.,
வைகை அணையிலிருந்து 22 கிலோ மீட்டர் பயணித்து ஆசிய கண்டத்தின் 2வது மிக நீளமான நீர் செல்லும் தொட்டிப்பாலம் என்ற புகழ்பெற்ற 58 கால்வாய் தொட்டிபாலத்திற்கு தற்போது வைகை நீர் வந்தடைந்தது.
தொட்டிப்பாலத்தை கடந்து உத்தப்ப நாயக்கணூர் வழியாக உசிலம்பட்டி பகுதியில் உள்ள 33 கண்மாய்களுக்கு இந்த நீர் செல்கிறது.,
உசிலம்பட்டி பகுதியில் உள்ள கிளைக் காலவாய்கள் மண் கால்வாயாக உள்ளதால் வழிநெடுகிலும் நிலத்தடி நீர் மட்டம் உயர்ந்து,
விவசாயத்திற்கு மட்டுமல்லாது உசிலம்பட்டி பகுதி மக்களின் குடிநீர் ஆதாரமாகவும், கால்நடை வளர்ப்பிற்கும் பயனளிக்கும் திட்டமாக உள்ளது.
இரண்டு ஆண்டுகளுக்கு பின் வைகை அணையிலிருந்து உசிலம்பட்டி 58 கால்வாய்க்கு தண்ணீர் திறக்கப்பட்டு தண்ணீர் உசிலம்பட்டி வந்தடைவது விவசாயிகள் பொதுமக்களிடையே மகிழ்ச்சியை ஏற்படுத்தியுள்ளது.