டெல்லி நவ 11,
நாடு எதிர்கொண்டுள்ள ஆபத்தை உணர்ந்து அனைவரும் ஒன்றிணைந்து செயல்படுவோம். இது தேசத்திற்கான அச்சுறுத்தல் – மாநிலத் தலைவர் காடேஸ்வரா சி. சுப்பிரமணியம் பத்திரிகை அறிக்கை.
10.11.25 அன்று மாலை 6 .50 அளவில் தேசத்தின் தலைநகர் டெல்லியில் அமைந்துள்ள செங்கோட்டை பகுதியில் இரண்டு கார்களை வெடிக்கச் செய்து மிகப் பெரும் பயங்கரவாத செயல் நிகழ்த்தப்பட்டுள்ளது . 9 அப்பாவி மக்கள் பலியாகியுள்ளனர்.
இது ஒரு கார் வெடிகுண்டு சதியாக தெரிய வருகிறது.
சில நாட்கள் முன்பு குஜராத்தில் தேசத்தை குறிவைத்த பயங்கவாதிகள் பிடிப்படடனர். ஒரு மருத்துவர் உட்பட பிடிபட்ட மூவரிடமிருந்து கிடைத்த தகவல்கள் மூலம் அவர்கள் மிக பயங்கரமான ரசாயன தாக்குதல்கள் நடத்தும் சதி திட்டம் மூலம் அப்பாவிகளை மற்றும் தலைவர்களை கொலை செய்ய திட்டமிட்டு இருந்தது தெரிய வந்தது.
பொதுவாக பயங்கரவாதிகளை முடக்கும்போது மக்களை அச்சுறுத்த இதுபோல கோழைத்தனமான செயல்கள் மூலம் அப்பாவிகளுக்கு அச்சத்தை ஏற்படுத்துவதை பயங்கரவாதிகள் வாடிக்கையாக நிகழ்த்துவதை பார்க்கிறோம்.
இதுபோன்ற பயங்கரவாதிகள் பிடிபடும்போது தேசம் முழுவதற்கும்கூட ஒரு எச்சரிக்கை செய்து பாதுகாப்பை பலப்படுத்துவது அவசியம்.
தேசத்தின் பாதுகாப்பை கருத்தில் கொண்டு தேசம் முழுவதும் பாதுகாப்பு ஏற்பாட்டை பலப்படுத்த மத்திய அரசும் எல்லா மாநில அரசுகளும் எடுக்க வேண்டும்.
பாரதம் வலிமையானதாக, வளர்ச்சி பாதையில் முன்னேறுவதைத் தடுக்க வெளிநாட்டு மற்றும் உள்நாட்டு எதிரிகளின் திட்டமிட்ட சதி இது.
எனவே இத்தகைய இக்கட்டான சூழ்நிலையில் மக்கள் விழிப்புடன் செயல்பட வேண்டும் என்று இந்து முன்னணி சார்பில் கேட்டுக்கொள்கிறோம்.
மேலும் உடனடியாக குற்றவாளிகளை கண்டுபிடித்து கடுமையாக தண்டிக்க NIA உள்ளிட்ட காவல்துறை நுண்ணறிவுப் பிரிவுகள் , புலானாய்வுத்துறைகள் விரைவாக செயல்பட்டு தேசத்தின் பதட்டத்தை குறைத்து பாதுகாப்பு நம்பிக்கை ஏற்படும் வகையில் செயல்பட வேண்டுகோள் வைக்கிறோம்.