திமுக ஆட்சியில் பெண்களுக்கு பாதுகாப்பு இல்லை – பாஜக மாநில தலைவர் நயினார் நாகேந்திரன் குற்றச்சாட்டு

திமுக ஆட்சியில் ஏழு வயது பெண் குழந்தை முதல் 70 வயது மூதாட்டி வரை பாதுகாப்பு இல்லை. கஞ்சா உள்ளிட்ட போதை பொருட்கள் கல்லூரி பள்ளி வளாகங்கள் மட்டுமல்ல கிராமங்களில் கூட கிடைக்கிறது.

தமிழக வெற்றிக் கழகத்திற்கு  ஆதரவில்லை, எந்த ஒரு தனி நபரும் தாக்கப்படக்கூடாது என்ற கோட்பாடுகளுக்காகவே அவர்களுக்கு ஆதரவாய் பேசினோம்.

திமுக 50 ஆயிரம் கோடிகளுக்கு மேல் ஊழல் செய்து சம்பாதித்து வைத்துள்ளனர்.  திமுகவின் ஆட்சிக்கு கவுண்டவுன் ஸ்டார்ட் ஆகிவிட்டது.

தமிழகம் தலை நிமிர தமிழனின்  பயணம் என்ற பெயரில் பாரதிய ஜனதா கட்சியின் தமிழக தலைவர் நயினார் நாகேந்திரன் தமிழகம் முழுவதும் சுற்றுப்பயணம் மேற்கொண்டு வருகிறார். அதன் ஒரு பகுதியாக நேற்று மாலை தஞ்சை மாவட்டம், பட்டுக்கோட்டையில் தலைமை தபால் நிலையம் அருகே பொதுக்கூட்டத்தில் பங்கேற்று பேசினார். அதனைத் தொடர்ந்து இன்று மதியம் பத்திரிக்கையாளர் சந்திப்பில் அவர் பேசியதாவது:

தமிழகம் தலை நிமிர தமிழனின் பயணம் என்ற பெயரில் நான் துவங்கிய சுற்றும் பயணம் 18 வது நாளாக நேற்று பட்டுக்கோட்டையில் வெகு விமர்சையாக நடைபெற்றது. அந்த கூட்டத்தில் அதிமுக  தமாகா உள்ளிட்ட தோழமை கட்சிகள் மற்றும் பாரதிய ஜனதா கட்சி நிர்வாகிகள் சிறப்பான ஏற்பாடுகள் செய்து எழுச்சியோடும் ஆரவாரத்தோடும் பொதுமக்களின் சிறப்பான வரவேற்போடும் கலந்து கொண்டனர். 19 நாளாக இன்று குருவிகரம்பை கிராமத்தில் நடைபெற்ற கிராம சபா கூட்டத்தில் கலந்துகொண்டு அறந்தாங்கி நோக்கி புறப்பட உள்ளேன் என்றார்.

2026 சட்டமன்றத் தேர்தலில் 
பட்டுக்கோட்டை தொகுதி பிஜேபிக்கு ஒதுக்கப்படுமா  அல்லது கூட்டணி கட்சிக்கு  கொடுக்கப்படுமா என்று கேட்கப்பட்டது:

இன்னும் தேர்தல் தேதி அறிவிக்கப்படவில்லை நாங்கள் எல்லோரும் ஒன்றாக தான் இருக்கிறோம். உங்கள் கேள்வியால் பிரச்சனை வராத மாதிரி,  எங்கள் தேசிய தலைமை என்ன முடிவு செய்கிறதோ,  அதிமுக பொதுச் செயலாளர் அண்ணன் எடப்பாடி பழனிச்சாமி என எல்லோரும் கலந்து பேசி ஒருமித்த முடிவு எடுக்கப்படும்.

பாரதிய ஜனதா தமிழக வெற்றி கழகத்தை அணுகுவதும் தமிழக வெற்றி கழகம் பாரதிய ஜனதா கட்சி பற்றி பேசுவதும் முரண்பாடாக இருக்கிறது என்ற கேள்விக்கு:

பாரதிய ஜனதாவை பொருத்தவரை தீவிரமாக யாரையும் எதிர்ப்பதில்லை. கொள்கை ரீதியாக மட்டுமே எதிர்க்கிறோம். தனிப்பட்ட முறையில் இதுவரை யாரையும் எதிர்ப்பது கிடையாது. இனிமேலும் அது இருக்காது. கரூரில் நடந்த சம்பவம் பொறுத்தவரை விஜய் மட்டுமல்ல நீங்களாக இருந்தாலும் தனிப்பட்ட நபரை தாக்குவதற்கு பிஜேபி ஆதரவு தெரிவிக்கமாட்டோம். அதனால் அந்த நிகழ்வை சட்டமன்றத்தில் கூட நான் பேசியிருக்கிறேன்
சட்டசபையில் அதிமுகவும் பாரதிய ஜனதாவும் கவனஈர்ப்பு தீர்மானம்  கொண்டு வந்தோம். அதற்கு பதில் அளித்த தமிழக முதல்வர் ஸ்டாலின் கூறும் போது 12 மணிக்கு வருவதாக சொன்ன தாவேக தலைவர் இரவு 7மணிக்கு தான் வந்தார். ஏழு மணி நேரம் காலதாமதம் ஆனதால் அவர்களுக்கு உணவு ஏற்பாடு தண்ணீர் ஏற்பாடு செய்யவில்லை. பாதி பேர் மயக்கத்தில் இருந்ததாகவும் முதலமைச்சர் கூறினார். அப்போது ஐந்து டிஎஸ்பி 500 போலீசார் இருந்ததாக முதல்வர் கூறினார் அது முற்றிலும் தவறு அங்கு ஒரு போலீஸ்காரர் கூட இல்லை, எதிர்க்கட்சிகள் கூட்டம் போடும் எந்த இடத்திலும் போலீசார் நிற்பதில்லை கரூர் சம்பவத்திற்கு பிறகு அனைத்து கூட்டங்களுக்கும் போலீசார் அதிக அளவில் நிறுத்துகிறார்கள். மதுரை இந்து முன்னணி மாநாட்டில் 5 லட்சம் பேருக்கு மேல் கலந்து கொண்டார்கள், அங்கு ஒரு காவல்துறையினர் கூட இல்லை. அந்த மாநாடு முடிந்து செல்லும்போது மாநாட்டுக்கு வந்தவர்களே நாற்காலிகளை அடுக்கி வைத்தும்,  அங்கு கிடந்த தண்ணீர் பாட்டில்களை பொறுக்கி எடுத்து ஓரமாக வைத்தும், அந்த இடத்தையே சுத்த படுத்திவிட்டு கட்டுக்கோப்பாக  சென்றார்கள். இதற்கு முன்பு அதிமுகவாக இருந்தாலும் சரி பாஜகவை இருந்தாலும் சரி மதுரையில் மீட்டிங் நடத்துவதாக  இருந்தால் மதுரை உயர்நீதிமன்றத்தில் உத்தரவு பெற்று தான் மீட்டிங் நடத்த வேண்டும். எங்களுக்கு கொடி கட்ட அனுமதி கிடையாது. இப்போது அனுமதி அளித்திருக்கிறார்கள் இதைத்தான் நான் பேசினேன் ஆனால் தமிழக வெற்றி கழகத்திற்கு ஆதரவாக தான் பேசினேன் என்பது தவறு.

சேகர்பாபு சமீபத்தில் பேசும்பொழுது  நைனாருக்கு  பதவி காலம் கவுண்டவுன் ஸ்டார்ட் ஆகிவிட்டது என்று  கூறினாரே என்று கேட்டதற்கு:

எனக்கு மூணு வருட காலம் பொறுப்பில் இருப்பேன் அதில் ஆறு மாதம்தான் ஆகியிருக்கிறது இன்னும் 2.1/2 வருட காலம் எனக்கு இருக்கிறது. ஆனால் அவர்களது ஆட்சிக்கு இன்னும் இரண்டரை மாதம்தான் இருக்கிறது எனவே அவர்களது ஆட்சிக்கு தான் கவுண்டவுன் ஸ்டார்ட் ஆகிவிட்டது .

திமுக கூட்டணி பலமாக இருக்கிறது அதிமுகவில் உள்ள சிலர் திமுகவில் சென்று இணைகிறார்களே அது பற்றி உங்கள் கருத்து.

கூட்டணி பலம் தான் வெற்றிக்கு காரணம் என்றால் 2011 இல் திமுக தான் ஜெயித்து இருக்க வேண்டும். ஆனால் அதிமுக வெற்றி பெற்றது. அதே போன்று தற்போது மக்கள் படும் அவதி மின் கட்டண உயர்வு, வரி விதிப்பு, விலைவாசி உயர்வு, அரசு ஊழியர்கள், ஆசிரியர்கள், ஓய்வூதியர்கள், துப்புரவு தொழிலாளர்கள், பொதுமக்கள் ஆகியோர் போராட்டம் நடத்திக் கொண்டிருக்கிறார்கள்.  தலைமை செயலகத்திற்கு உள்ளேயே அதிகாரிகள் உள்ளிருப்பு போராட்டம் நடத்துகிறார்கள்.இதனால் மக்கள் கொதித்து போய் இருக்கிறார்கள். திமுகவினர் 50 ஆயிரம்  கோடிகளுக்கு மேல் ஊழல் செய்து சம்பாதித்து உள்ளார்கள். எனவே ஆட்சி மாற்றம் உறுதியாக உள்ளது. 2026ல் யார் ஆட்சிக்கு வரக்கூடாது என்றால் அது திமுக. யார் ஆட்சிக்கு வர வேண்டும் என்றால் அது எடப்பாடி பழனிச்சாமி.

வருகின்ற சட்டமன்ற தேர்தல் திமுகவுக்கும் – தாவேகாவுக்கும் தான் போட்டி என்று ஆதவ் அர்ஜுனா கூறுகிறாரே என்று கேட்டதற்கு

விந்தையிலும் விந்தை இதுவரை ஒரு கவுன்சிலர் கூட தாவேக்காவில் இல்லை ஆதவர்ஜுனா பணத்தை வைத்து கூட்டத்தை காண்பித்து ஆட்சியை பிடித்து விடலாம் என்று நினைக்கிறார் போலும், கூடுகிற கூட்டம் எல்லாம் வாக்காக மாறாது. 300க்கும் மேற்பட்ட எம்பிக்களும் 1200 எம்எல்ஏக்களுக்குமேல் கொண்ட கட்சி பாஜக, எங்கள் கட்சி உலகத்திலேயே மிகப்பெரிய கட்சி.

தமிழகத்தில் கடந்த நான்கரை ஆண்டு காலமாக சட்டம் ஒழுங்கு எவ்வாறு உள்ளது:

அதைப் பற்றி கேட்கவே வேண்டாம், கோயமுத்தூரில் இரவு 11 மணிக்கு ஒரு பெண்ணை தூக்கிக்கொண்டு போய் விடிய அதிகாலை 4 மணி வரை ஆள் மூன்று நபர்கள் சேர்ந்து பாலியல் பலாத்காரம் செய்கிறார்கள், தமிழகத்தில் 7 வயது பெண் குழந்தைக்கு பாதுகாப்பு இலலை 70 வயது மூதாட்டிக்கும் பாதுகாப்பில்லை. இதற்கு காரணம் போதை பொருள் விற்பனை, பள்ளிக்கூடம்,  கல்லூரி வாசலிலேயும், குக் கிராமங்களில் கூட  கஞ்சா உள்ளிட்ட போதை பொருட்கள் விற்பனை செய்கிறார்கள். போலீசாருக்கு யாரும் பயப்படுவதில்லை காவலர்கள் குடியிருப்புக்கு உள்ளே சென்று வெட்டி கொலை செய்கிறார்கள் இவற்றையெல்லாம் பார்க்கும் போது சட்டம் ஒழுங்கு எவ்வாறு இருக்கிறது என்பதை பொதுமக்கள் தான் முடிவு செய்ய வேண்டும்.