விழுப்புரம் அக் 26,
சுற்றுலாத்துறை அமைச்சர் இராஜேந்திரன் மாவட்ட ஆட்சித்தலைவர் ஷேக் அப்துல் ரஹ்மான், தலைமையில், ஆரணி நாடாளுமன்ற உறுப்பினர் தரணிவேந்தன் , செஞ்சி சட்டமன்ற உறுப்பினர் மஸ்தான் முன்னிலையில் செஞ்சி கோட்டையினை நேரில் பார்வையிட்டு ஆய்வு செய்தார்.
ஆய்விற்கு பின் சுற்றுலாத்துறை அமைச்சர் ராஜேந்திரன் கூறியதாவது,
தமிழ்நாடு முதலமைச்சர் வழிகாட்டுதலின்படி சுற்றுலாத்துறை மேம்படுத்தப்பட்டு வருவதோடு, சுற்றுலாத்துறைக்கென தேவையான நிதியை வழங்கி வருகிறார். தமிழ்நாட்டில் சுற்றுலாத்துறைக்கென ஒரு கொள்கையை உருவாக்கி 300-க்கும் மேற்பட்ட புதிய சுற்றுலாத்தளங்களை உருவாக்கி சர்வதேச சுற்றுலாத்தளமாக உயர்த்துவதற்காக நடவடிக்கை எடுக்க அறிவுறுத்தப்பட்டுள்ளது.
அதனடிப்படையில், இன்றைய தினம், செஞ்சிக்கோட்டையில் மாவட்ட ஆட்சித்தலைவர், நாடாளுமன்ற, சட்டமன்ற உறுப்பினர்கள், உள்ளாட்சி அமைப்பு பிரதிநிதிகள் மற்றும் துறை சார்ந்த அலுவலர்களுடன் நேரில் பார்வையிட்டு ஆய்வு செய்யப்பட்டது
மட்டுமல்லாமல் பல்வேறு விழுப்புரம் மாவட்டத்தின் அடையாளமாக செஞ்சிக்கோட்டை திகழ்ந்து வருகிறது. செஞ்சிக்கோட்டை மிகவும் பழமை வாய்ந்த ஒன்றாகும். இப்பகுதி பொதுமக்கள் வெளிநாட்டவர் மற்றும் வெளிமாவட்டங்களைச் சேர்ந்தவர்கள் ஒரு மாதத்திற்கு சுமார் 18000 சுற்றுலா பயணிகள் இக்கோட்டையின் வரலாற்றுச் சிறப்புகளை பார்வையிட்டு வருகின்றனர்.
மேலும், இந்த வரலாற்று சிறப்பு மிக்க செஞ்சி கோட்டையானது UNESCO யுனொஸ்கோ அமைப்பு பாரம்பரிய சின்னமாக அங்கிகரித்துள்ளது. எனவே பல்வேறு பகுதிகளிலிருந்து கூடுதலாக சுற்றுலா பயணிகள் செஞ்சிக்கோட்டைக்கு வருகை புரிந்து வருகின்றனர். எனவே மாண்புமிகு தமிழ்நாடு முதலமைச்சர் அவர்களின் அறிவுறுத்தலின்படி ஒருங்கிணைந்த திட்ட அறிக்கை மூலம் செஞ்சிக்கோட்டையை மேம்படுத்துவதற்கான நடவடிக்கை எடுக்கப்படவுள்ளது.
தொடர்ந்து செஞ்சிக்கோட்டையில் அடிப்படை வசதிகள் மற்றும் உள்கட்டமைப்பு வசதிகள் மேம்படுத்துவது தொடர்பாக ஆய்வு மேற்கொள்ளப்பட்டது. ஆய்வின்போது, செஞ்சிக்கோட்டையின் அடிவாரம், கல்வெட்டுகள், ராஜகிரி கோட்டை, கிருஷ்ணகிரி, சந்திரகிரி கோட்டை, வெடிமருந்து கூடம், நெற் களஞ்சியம், வேணுகோபால் கோயில், படிகட்டுகளுடன் காணப்படும் குளம், கல்யாண மகால், குதிரைகள் கட்டும் இடம், உடற்பயிற்சி கூடம், யானைக் கட்டும் மண்டபம்,
யானைக்குளம், சக்கரைக் குளம், செட்டிக் குளம், சதாத்துள்ளாகான் மசூதி, சிவன் மற்றும் அம்மன் கோயில், வெங்கடரமணா கோயில் போன்றவற்றினை நேரில் பார்வையிட்டு ஆய்வு மேற்கொள்ளப்பட்டது.
மேலும், பொதுமக்கள் அதிகம் வருகைபுரிவதையொட்டி செஞ்சிக்கோட்டையின் அடிவாரம் மற்றும் முக்கிய பகுதிகளில் கூடுதலாக குடிநீர் வசதி, மின்மிளக்கு வசதி, பொதுமக்கள் அமர்வதற்கான இருக்கை வசதி, கழிப்பறை வசதி உள்ளிட்ட அடிப்படை வசதிகள் மற்றும் உட்கட்டமைப்பு வசதிகள் மேம்படுத்துவது குறித்து துறை சார்ந்த அலுவலர்களுக்கு அறிவுறுத்தப்பட்டது என மாண்புமிகு சுற்றுலாத்துறை அமைச்சர் இராஜேந்திரன் தெரிவித்தார்