Categories

பவானிசாகர் வனப்பகுதியில் காட்டுப்பன்றி 70 வயது மூதாட்டியை தாக்கு

ஈரோடு அக் 30,

பவானிசாகர் வனப்பகுதியில் இருந்து வெளியேறிய காட்டுப்பன்றி ஒன்று ஊருக்குள் புகுந்து 70 வயது மூதாட்டி ஒருவரை ஆக்ரோஷமாக தூக்கி வீசும் சிசிடிவி காட்சி வெளியாகி அதிர்ச்சியை ஏற்படுத்தியுள்ளது.

ஈரோடு மாவட்டம் சத்தியமங்கலம் அடுத்த பவானிசாகர் பகுதி அடர்ந்த வனப்பகுதியை ஒட்டி உள்ளது.

இந்த பவானிசாகர் வனச்சரகத்திற்கு உட்பட்ட பகுதிகளில் ஏராளமான வனவிலங்குகள் வசித்து வருகின்றன.

இந்நிலையில் இன்று பவானிசாகர் வட பகுதியில் இருந்து வெளியேறிய காட்டுப்பன்றி ஒன்று ஊருக்குள் புகுந்து டீக்கடையில் வேலை பார்த்துக் கொண்டிருந்த சுமார் 70 வயது மதிக்கத்தக்க மூதாட்டி ஒருவரை திடீரென முட்டி தள்ளி தூக்கி வீசிம் காட்சி தற்போது வெளியாகி உள்ளது.

தொடர்ந்து பவானிசாகர் வனப்பகுதியில் இருந்து யானைகள் ஊருக்குள் புகுந்து கடந்த சில நாட்களுக்கு முன்பு அணையின் பூங்காவின் சுவர் பகுதிகளை சேதம் செய்து வந்த நிலையில் தற்போது காட்டு பன்றிகளும் ஊருக்குள் புகுந்து மக்களை அச்சுறுத்தி வருவது பொதுமக்களிடையே அச்சத்தை ஏற்படுத்தி உள்ளது.

எனவே பவானிசாகர் வனத்துறையினர் இதுபோன்று வனப்பகுதியில் இருந்து ஊருக்குள் புகும் விலங்குகளை கண்காணித்து வனப்பகுதிக்குள் விரட்ட நடவடிக்கை எடுக்க வேண்டும் என அப்பகுதி பொதுமக்கள் கோரிக்கை விடுத்துள்ளனர்.