திருவள்ளூர் அருகே வீட்டில் தனியாக இருந்த பெண்ணை இரும்பு கம்பியால் அடித்து கொலை செய்துவிட்டு தங்க நகைகளை கொள்ளையடிக்கப்பட்ட சம்பவம் பெரும் பரபரப்பை ஏற்படுத்தியுள்ளது.
திருவள்ளூர் மாவட்டம் ஊத்துக்கோட்டை காவல் நிலைய எல்லைக்கு உட்பட்ட சூலை மேனிகிராமத்தைச் சேர்ந்தவர் சரஸ்வதி (வயது 55) இவரது கணவர் சுகுணார் இவர்களுக்குள் கருத்து வேறுபாடு காரணமாக சரஸ்வதி மட்டும் தனக்கு சொந்தமான வீட்டில் தனிமையில் வசித்து வந்தார். இவரது வீட்டு மேல் மாடியில் வாடகைக்கு இரண்டு வாலிபர்கள் குடியிருந்து வருகின்றனர்.
இவர்கள் இருவரும் வழக்கம் போல் நேற்று மதியம் வேலைக்கு சென்று விட்டனர்.அதன் பிறகு அந்த மாடி வீட்டில் சுத்தம் செய்வதற்காக சரஸ்வதி சென்றுள்ளார். அந்த சமயத்தில் மர்ம வாலிபர் ஒருவர் சரஸ்வதி வீட்டின்மேல் மாடியில் நுழைந்ததாக கூறப்படுகிறது. அப்போது சரஸ்வதி காது மற்றும் கழுத்தில்அணிந்திருந்த 5 சவரன் தங்க நகைகளை அந்த மர்ம வாலிபர் பிடுங்க முற்பட்டதாகவும், சரஸ்வதி நகைகளை பிடுங்க விடாமல் போராடிய போது தான் மறைத்து வைத்திருந்த அறிவாளால் சரஸ்வதியை அந்த வாலிபர் சரமாரியாக வெற்றி கொலை செய்துவிட்டு 5 சவரன் நகையை பறித்துக் கொண்டு தப்பி சென்றதாக காவல்துறையின் முதற்கட்ட விசாரணையில் தெரிய வந்துள்ளது. இதுகுறித்து தகவல் அறிந்த ஊத்துக்கோட்டை காவல் துறையினர் சம்பவ இடத்திற்கு விரைந்து வந்து ரத்த வெள்ளத்தில் கொலை செய்யப்பட்டு கிடந்த சரஸ்வதியின் சடலத்தை கைப்பற்றி பிரேத பரிசோதனைக்காக திருவள்ளூர் அரசு மருத்துவக் கல்லூரி மருத்துவமனைக்கு அனுப்பி வைத்தனர். இதுகுறித்து அந்த கிராமத்தில் நடத்தப்பட்ட தீவிர விசாரணையில் அதே பகுதியைச் சேர்ந்த வெங்கடேசன் (வயது 24) என்ற வாலிபர் சரஸ்வதியை கொலை செய்து நகை பறித்து கொண்டு தப்பியது தெரிய வந்தது. இதனை அடுத்து வெங்கடேசனை காவல்துறையினர் சம்பவம் நடந்து சில மணி நேரங்களில் கைது செய்தனர். அவனிடம் உண்மையிலேயே நகைக்காக சரஸ்வதியை கொலை செய்தாரா அல்லது வேறு ஏதும் காரணங்கள் உள்ளதா என்பது போன்ற பல்வேறு கோணங்களில் காவல்துறையினர் தனி அறையில் வைத்து வெங்கடேசனிடம் துருவி, துருவி தீவிர விசாரணை நடத்தி வருகின்றனர். இந்த சம்பவம் அந்த பகுதியில் பெரும் பரபரப்பை ஏற்படுத்தி உள்ளது.