விருதுநகர் நவ 12,விருதுநகர் ராஜபாளையம் அருகே கோவிலில் இரவு நேர காவலர்கள் இருவரை கொலை செய்து உண்டியலில் கொள்ளையடித்த சம்பவத்தில் காவலரை அறிவளால் வெட்டிய இளைஞர் துப்பாக்கியால் சுட்டு பிடிப்பு… மேலும் சிலருக்கு போலீசார் வலைவீச்சு…
விருதுநகர் மாவட்டம்
ராஜபாளையம் அருகே தேவதானத்தில் இந்து சமய அறநிலையத் துறைக்கு சொந்தமான நச்சாடை தவிர்த்தருளிய சுவாமி கோயிலின் இரவு நேர காவலர்கள் பேச்சி முத்து (50), சங்கர பாண்டியன் (65) ஆகிய இருவரை வெட்டி கொலை செய்துவிட்டு உண்டியல் பணம் கொள்ளையடிக்கப்பட்ட சம்பவம் அதிர்ச்சியை ஏற்படுத்தியது. இந்த சம்பவம் தொடர்பாக மாவட்ட காவல் கண்காணிப்பாளர் கண்ணன் உத்தரவின் பேரில் ஆறு தனிப்படைகள் அமைத்து குற்றவாளிகளை தேடி வந்த நிலையில் நேற்று இரவு சேர்த்து உரை சேர்ந்த நாகராஜ் என்பவரை போலீசார் கைது செய்து விசாரணை நடத்தியுள்ளனர் விசாரணையில் தானும் தன்னுடன் சேர்ந்த சிலரும் சேர்ந்து கொலை மற்றும் கொள்ளை சம்பவத்தில் ஈடுபட்டதை ஒப்புக்கொண்டுள்ளார் இதனைத் தொடர்ந்து கொலைக்கு பயன்படுத்திய அரிவாள் உள்ளிட்ட ஆயுதங்களை பதுக்கி வைத்த இடத்திற்கு போலீசார் நாகராஜன் அழைத்துச் சென்றுள்ளனர் அங்கு மறைத்து வைத்திருந்த அரிவாளை எடுத்து எஸ்.ஐ கோட்டையப்பசாமியை இடது கையில் வெட்டிவிட்டு தப்ப முயன்றுள்ளார். இதைக்கண்ட இன்ஸ்பெக்டர் கண்ணன் தப்பி ஓடிய நாகராஜை வலது காலில் துப்பாக்கியால் சுட்டு பிடித்தார். இதையடுத்து இருவரையும் மீட்டு ராஜபாளையம் அரசு மருத்துவமனையில் சிகிச்சைக்காக அனுமதிக்கப்பட்டுள்ளனர். மேலும் இந்த சம்பவத்தில் தொடர்புடைய நபர்களை போலீசார் தீவிரமாக தேடி வருகின்றனர். துப்பாக்கியால் சுட்டு பிடிபட்ட நாகராஜ் என்பவருக்கு அடிதடி, கொள்ளை, மணல் திருட்டு உள்ளிட்ட பல்வேறு குற்ற வழக்குகள் நிலுவையில் உள்ளது குறிப்பிடத்தக்கது.