திருப்பத்தூர் நவ 3,
திருப்பத்தூர் மாவட்டம் கந்திலி அருகே தொப்பளக் கவுண்டனூர் பகுதியில் ஏறத்தாழ 3000 ஆண்டுகளுக்கு முற்பட்ட பெருங்கற்காலக் காலத்தினைச் சேர்ந்த மண் ஓடுகள் மற்றும் கல்வட்டத் தடயங்கள் கண்டுபிடிக்கப்பட்டுள்ளன.
மேலும் சில மாதங்களுக்கு முன்பு, தொப்பளக்ஐ கவுண்டனூரில் தனியார் மாந்தோப்பில் விவசாயப் பணிக்காக ஜே.சி.பி. இயந்திரம் பயன்படுத்தியபோது, பல பானை ஓடுகள் வெளிப்பட்டன. அப்பகுதி இளைஞர்கள்உ இதுகுறித்து அளித்த தகவலின் அடிப்படையில், ஆய்வுக் குழு அங்கு சென்று மேற்பரப்பில் சிதறியிருந்த ஓடுகளை சேகரித்து ஆய்வு மேற்கொண்டது.அப்பகுதியில் கல்வட்டங்கள் மற்றும் கற்திட்டைகள் இருந்ததற்கான தடயங்களும் உறுதிப்படுத்தப்பட்டன. மேலும் மாந்தோப்பிலிருந்து சுமார் 300 மீட்டர் தொலைவில் உள்ள குன்றின் அடிவாரத்தில், சுமார் 10 ஏக்கர் பரப்பளவில் கருப்பு மற்றும் சிவப்பு நிற மண்பாண்ட ஓடுகள் மற்றும் எலும்பு எச்சங்கள் காணப்பட்டன.பின்பு சேகரிக்கப்பட்ட ஓடுகள் திருப்பத்தூர் தூய நெஞ்சக் கல்லூரியின் பாரம்பரிய மையத்தில் ஆய்வுக்கு உட்படுத்தப்பட்டன. உடைந்த பானைகள் மீண்டும் ஒட்டப்பட்டு, முழுமையான பாத்திரங்களாக உருவாக்கப்பட்டன. அவை பெரும்பாலும் கருப்பு-சிவப்பு நிறங்களைக் கொண்டவை, மேலும் நான்கு ஊன்றி நிற்கும் தானியக் குடுவைகள் போன்ற வடிவங்களும் காணப்பட்டன.இப்பொருட்கள் அனைத்தும் பெருங்கற்கால மக்கள் இறந்தவர்களை அடக்கம் செய்யும் போது உடன்யூ வைத்துப் புதைத்த ஈமப் பொருட்கள் என அறியப்படுகிறது. இது அந்தக் கால மக்களின் அடக்க மரபை வெளிப்படுத்துகிறது.அனைத்து மண் பாத்திரங்களிலும் சிறப்பான கீறல் குறியீடுகள் காணப்பட்டன. ஒரே வகை குறியீடுகள் ஒரே நபருக்குரிய பானைகள் என்பதை அடையாளம் காட்டுவதாகும். இக்குறியீடுகள் பானை சுட்டதற்கு முன் அல்லது பிறகு இடப்பட்டிருக்கலாம். தமிழகத்தில் பெரும்பாலும் சுட்ட பிறகு இடப்பட்ட குறியீடுகள் அதிகம் காணப்படுகின்றன. இவை அக்கால மக்களின் எழுத்தறிவு மற்றும் வாழ்வியல் பண்புகளை வெளிப்படுத்துகின்றன.
மேலும் இப்பகுதியில் கண்டுபிடிக்கப்பட்ட தடயங்களின் அடிப்படையில், தமிழக அரசின் தொல்லியல் துறைக்கு ஆய்வறிக்கை அனுப்பப்பட்டுள்ளது. இதனைத் தொடர்ந்து, தொல்லியல் துறை அதிகாரிகள் தொப்பளக் கவுண்டனூரில் முறையான அகழாய்வு மேற்கொள்ளத் திட்டமிட்டுள்ளனர்.இந்த முக்கியமான தொல்லியல் கண்டுபிடிப்பை திருப்பத்தூர் தூய நெஞ்சக் கல்லூரியின் வரலாற்றுத்துறைப் பேராசிரியர் முனைவர் ஆ. பிரபு, தொல்லியல் ஆய்வாளரும் வரலாற்றுத் துறை பேராசிரியருமான முனைவர் இரா. சேகர், ஆய்வு மாணவிகள் உமா, ரம்யா, பூந்தமிழ் மற்றும் சமூக ஆர்வலர் இராதாகிருஷ்ணன் ஆகியோர் இணைந்துபின்னர் மேற்கொண்ட கள ஆய்வில் வெளிக்கொணர்ந்துள்ளனர்