திருப்பூர் மாவட்டம் பல்லடம் அடுத்த நாசுவம்பாளையம் பகுதியில், உள்ள ஒரு வீட்டின் அருகில் இருந்து கரும்புகை கிளம்பியதால் பரபரப்பு.

திருப்பூர் நவ 13,
திருப்பூர் மாவட்டம் பல்லடம், பொள்ளாச்சி சாலை பகுதியில் உள்ள நாசுவம்பாளையம் பகுதியில் உள்ள ஒரு வீட்டின் அருகில் இருந்து வானுயர அளவிற்கு கரும்புகையானது வெளிவந்து கொண்டிருந்தது. இதைப் பார்த்து அதிர்ச்சியடைந்த அப்பகுதி மக்கள் அங்கு சென்று பார்த்த போது, அந்த இடத்திற்கு அருகில் குடியிருந்தவர்கள் காலி இடத்தில் பாம்புகள் நடமாட்டம் அதிகமாக இருப்பதால் அந்த பகுதியில் இருந்த முட்புதரில் தீ வைத்ததாக தெரிவித்துள்ளனர் மேலும் அந்த முட்புதர் பகுதிக்குள் தர்மாகோல் அட்டைகள் ஏராளமாக இருந்ததால் தீயானது  கொழுந்து விட்டு எரிய ஆரம்பித்தது, இதன் காரணமாகவே அதிக அளவில் கரும்புகை வெளியேறி உள்ளது. குடியிருப்பு பகுதிக்குள் அதிக அளவில் பாம்புகள் வருவதாகவும், குழந்தைகளுடன் வசிப்பதற்கு கடினமாக இருப்பதாலேயே அந்த இடத்தின் உரிமையாளரிடம் அனுமதி பெற்று வைத்ததாகவும் அப்பகுதியில் குடியிருப்பவர்கள் தெரிவித்துள்ளனர்.