திண்டுக்கல் நவ 15,
திண்டுக்கல் கொடைக்கானல் மற்றும் அதன் சுற்றுவட்டார பகுதிகளில் இயற்கை வளங்களை பாதுகாக்கும் விதமாக கனரக வாகனம் பயன்படுத்துவது மற்றும் பாறைகளை உடைப்பதற்கு நீதிமன்றம் தடை விதித்து உள்ளது.
இந்நிலையில், நீதிமன்ற உத்தரவு மற்றும் அரசு அதிகாரிகளின் தடைகளை மீறி கொடைக்கானல் பள்ளங்கி கோம்பை செல்லும் பகுதியில் உள்ள தனியார் நிலத்தில் பாறைகளை வெடி வைத்து கற்கள் குவியல் குவியலாக வைக்கப்பட்டுள்ளது,
மேலும், தொடர்ச்சியாக அப்பகுதியில்
கனரக வாகனங்களை பயன்படுத்தி வந்த நிலையில் கொடைக்கானல் கோட்டாட்சியருக்கு தகவல் கிடைத்ததன் பெயரில் அப்பகுதியில் ஆய்வு நடத்திய நிலையில் பாறைகளை உடைப்பதற்கு பயன்படுத்தப்பட்ட வாகனத்தை பறிமுதல் செய்தும்
மற்றும் நிலத்தின் உரிமையாளர் மீதும்
பாறை உடைக்கும் பணியில் ஈடுபட்டிருந்தவர்கள் மீதும் வழக்கு பதிவு செய்யப்பட்டுள்ளது.
தொடர்ந்து, அனுமதி இல்லாமல் கொடைக்கானல் மலை பகுதிகள் இயக்கப்படும் கனரக வாகனங்கள் மீது கடும் நடவடிக்கை எடுக்கப்படும் என கோட்டாட்சியர் தெரிவித்துள்ளார்.