Categories

கோவில்பட்டி அருகே தேசிய நெடுஞ்சாலையில் பள்ளி வேன் மீது கார்  மோதி விபத்து –   ஒருவர் பலி – பள்ளி மாணவிகள்  உட்பட 5 பேர்  காயம்

விபத்தில்  உயிரிழந்த ஷேக்

தூத்துக்குடி நவ 3,
தூத்துக்குடி மாவட்டம் கோவில்பட்டி அருகே உள்ள சாத்தூர் சாலையில் அமைந்துள்ள M.M வித்யாசரம் தனியார் பள்ளி வேன் பள்ளி மாணவ மாணவிகளை பள்ளிக்கு அழைத்துச் செல்வதற்காக நாலாட்டின் புத்தூர் பகுதிக்கு சென்று கொண்டிருந்து. வேனை கருப்பசாமி என்பவர் ஒட்டி சென்றுள்ளார். உதவியாளர் அய்யம்மாள் மற்றும் 10வகுப்பு மற்றும் 2ம்வகுப்பு படிக்கும் இரண்டு குழந்தைகள் இருந்துள்ளனர்.


பள்ளி வேன் நெல்லை – மதுரை தேசிய நெடுஞ்சாலையில் தனியார் கல்லூரி சென்று கொண்டிருந்தபோது நெல்லையில் இருந்து மதுரை நோக்கி சென்று கொண்டிருந்த கார் திடீரென சாலையை தாண்டி அதி வேகமாக வந்து பள்ளி வேன் மீது மோதியது. இதில் பள்ளி வேனின்  முகப்பு மற்றும் காரின் முகப்பு அப்பளம் போல் நொறுங்கியது.


விபத்து நடந்த சம்பவ இடத்தில் காரில் வந்த வள்ளியூரை சேர்ந்த சேக் என்பவர் பரிதாபமாக உயிரிழந்தார். காரை ஓட்டி வந்த அகஸ்டின், பள்ளி வேன் டிரைவர் கருப்பசாமி, உதவியாளர் அய்யம்மாள் மற்றும் 10வகுப்பு மற்றும் 2ம்வகுப்பு படிக்கும் இரண்டு குழந்தைகள் ஆகிய ஐந்து பேரும் காயம் அடைந்தனர்.




பள்ளி வேன் மற்றும் காரின் முகப்பு அப்பளம் போல் நொறுங்கியதால் பள்ளி வேன் டிரைவர் கருப்பசாமி மற்றும் வேன் டிரைவர் அகஸ்டின் ஆகியோர் வெளியே வர முடியாமல் தவித்தனர். இதுகுறித்து தகவல் கிடைத்ததும் கோவில்பட்டி மேற்கு காவல் நிலைய போலீசார் மற்றும் தீயணைப்புத் துறையினர் சம்பவ இடத்திற்கு விரைந்து வந்தனர்.


பள்ளி வேல் மற்றும் காரில் சிக்கி இருந்த டிரைவர்கள் இருவரையும்  தீயணைப்புத் துறையினர் மீட்டனர். காயம் அடைந்த ஐந்து பேரும் கோவில்பட்டி அரசு மருத்துவமனையில் சிகிச்சை பெற்று வருகின்றனர். விபத்தில் உயர்ந்த  ஷேக் உடல் உடற்கூறு ஆய்விற்காக கோவில்பட்டி அரசு மருத்துவமனைக்கு கொண்டு செல்லப்பட்டது.

இந்த விபத்து காரணமாக நெல்லை – மதுரை இடையே தேசிய நெடுஞ்சாலையில் போக்குவரத்து நெருக்கடி ஏற்பட்டது.


விபத்து குறித்து  கோவில்பட்டி மேற்கு காவல் நிலைய போலீசார் வழக்கு பதிவு செய்து விசாரணை நடத்தி வருகின்றனர்