ஈரோடு நவ 13,
ஈரோடு மாவட்டம் சத்தியமங்கலம் வனச்சரகத்திற்கு உட்பட்ட புளியங்கோம்பை வனப்பகுதியில் வனத்துறை ஊழியர்கள் ரோந்து பணி மேற்கொண்டனர்.
அப்போது புதர் மறைவில் இருந்து துர்நாற்றம் வீசியதால் வனத்துறை ஊழியர்கள் ஏதாவது வனவிலங்கு இறந்து கிடக்கிறதா என தேடி பார்த்தனர்.
அப்போது வனப்பகுதியில் ஒரு பெண் யானை இறந்து கிடப்பதை கண்டு உடனடியாக சத்தியமங்கலம் வனச்சரக அலுவலர் தர்மராஜிற்கு தகவல் தெரிவித்தனர்.
இதைத்தொடர்ந்து சம்பவ இடத்திற்குச் சென்ற வனச்சரக அலுவலர் பெண் யானை இறந்து கிடப்பதை நேரில் பார்த்து உறுதி செய்தார்.
இது குறித்து வனத்துறையினரிடம் கேட்டபோது இறந்த பெண் யானைக்கு சுமார் 30 வயது இருக்கலாம் எனவும்,
இன்று காலை கால்நடை மருத்துவர் மூலம் யானையின் உடலை உடற்கூறாய்வு செய்த பின் இறப்புக்கான காரணம் தெரிய வரும் என தெரிவித்தனர்.