மதுரை
தமிழகத்தின் ஜீவாதார உரிமைகள் எல்லாம் பரிதாபமாக பறிபோய் கொண்டு இருக்கிறது இந்தக் காட்டு தர்பார் ஸ்டாலின் ஆட்சியில். 2026 ஆண்டில் தமிழகத்தில் நிச்சயமாக ஸ்டாலின் அரசு மக்களால் பறிபோகும் நிலைமைக்கு நிச்சயம் தள்ளப்படும்.
முல்லைப் பெரியாறு, காவேரி, கச்சத்தீவு ,பாலாறு போன்ற ஜீவாதார உரிமைகள் எல்லாம் பாதுகாத்திட இந்த நான்கரை ஆண்டு காலம் ஸ்டாலின் ஒரு துரும்பை கூட எடுத்து வைக்கவில்லை .
இன்றைக்கு தமிழக மக்களை காக்கவும், தமிழகத்தை மீட்கவும்,
172 தொகுதிகளில், பத்தாயிரம் கிலோ மீட்டர் அளவில் சாலை மார்க்கமாக எடப்பாடியார் சென்றார். செல்லும் இடமெல்லாம் மக்கள் அன்புடன் வரவேற்றனர் ,இதன் மூலம் மீண்டும் மக்களாட்சியை மலரச் செய்யும் வகையில், இந்த காட்டு,தர்பார் ஆட்சிக்கு முடிவு கட்டும் வகையில் ஜீவாதார உரிமையை காத்திடும் வகையில் மக்கள் அளிந்த வரவேற்பு மூலம் கண்கூடாக தெரிகிறது .
எழுச்சி பயணத்திலும், சட்டமன்றத்திலும், மக்களின் உரிமைக்காக ஜீவதார உரிமையை எடுத்துச் சொல்லி எடப்பாடியார் தூங்கிக் கொண்டிருக்கும் அரசை தட்டி எழுப்பியுள்ளார்.
எடப்பாடியார் 50 ஆண்டு கால கால காவிரி பிரச்சினைக்கு தீர்வு கண்டார், டெல்டா பகுதிகளை பாதுகாக்கப்பட்ட வேளாண் மண்டலமாக சட்டம் நிறைவேற்றி வேளாண் மக்களை காத்தார்.
ஆனால் இன்றைக்கு கர்நாடக அரசு மேகதாவில் அணை கட்ட முடிவு செய்துள்ளது .அதுமட்டுமல்ல தமிழகத்திற்கு ஸ்டாலின் அழைப்பில் ஆலோசனைக்கு வந்த கர்நாடக துணை முதலமைச்சர் சிவக்குமார் மேகதாதுவில் அணையை கட்டியே தீருவோம் என்று கூறுகிறார் .அப்படி கட்டினால் தமிழகம் பாலைவனமாக மாறிவிடும் இது அறிந்து தான் எடப்பாடியார் தொடர்ந்து குரல் எழுப்பி வருகிறார். ஆனால் இதில் ஒரு சதவீதம் கூட தான் டெல்டா காரன் என்ற மார்தட்டும் ஸ்டாலின் ஏதும் மறுப்பு தெரிவிக்கவில்லை?
கூட்டணி தர்மத்தை விலகி கண்டனம் ஏதாவது தெரிவித்தாரா? மறுப்பு சொல்லக்கூட அவருக்கு மனமில்லை இதுதான் வேதனை உச்சமாக உள்ளது.
இன்றைக்கு ஸ்டாலின் அரசு முறையிட்ட மனுவில் உச்ச நீதிமன்றம் தள்ளுபடி செய்து, கர்நாடக அரசு விரிவான திட்ட அறிக்கை தயார் செய்ய அனுமதி அளித்துள்ளது இதனை தொடர்ந்து விவசாயிகளின் இதயம் சுக்கு நூறாக உடைந்துள்ளது இது குறித்து எடப்பாடியார் விரிவான அறிக்கை வெளியிட்டுயுள்ளார்.
மேகதாதுவில் ஸ்டாலின் அரசின் கையாளகாத நடவடிக்கையால் காவிரி உரிமை பறிபோகும் நிலைமைக்கு தள்ளப்பட்டு விட்டது.தொடர்ந்து மேகதாதுவில் ஸ்டாலின் மௌனம் காப்பதற்கு என்ன காரணம்? கூட்டணிக்கு குந்தகம் வந்துவிடும் என்ற அச்சத்தால் மௌனம் காக்கிறாரா? இந்த மௌனம் தொடருமானால் பீகாரில் எப்படி மக்கள் தீர்ப்பை வழங்கினாரோ அந்த தீர்ப்பை மக்கள் வழங்குவார்கள்.
தற்போது கூட பெங்களூர் பாசன அலுவலகத்தில் மேகதாது அணை திட்டம் தொடர்பாக புதிய அலுவலகம் தனியாக தொடங்கப்பட்டுள்ளது. இதனை தொடர்ந்து துணை முதலமைச்சர் சிவக்குமார் வருவாய் மற்றும் வனம் ஆகிய துறைகளிடம் நிலம் கையெடுக்கப்படுமாறு உத்தரவிட்டுள்ளார் .
கச்சத்தீவு பிரச்சனை என்றால், மீனவர் பிரச்சினை என்றால் கடிதம் எழுதி கதைக்கு முற்றுப்புள்ளி வைக்கிறார் ஸ்டாலின்.
முல்லைப் பெரியாரில் புதிய அணை கட்ட கேரளா அரசுசட்டப்பேரவையில் பேசியபோது அதற்கு ஸ்டாலின் மறுப்பு தெரிவிக்கவில்லை? பாலாறு நிலைமை என்ன என்று தெரியவில்லை? இதனால் வேளாண்மை குடிமக்கள் மிகுந்த வேதனையில் உள்ளார்கள். மீண்டும் எடப்பாடியார் தலைமையில் மக்களாட்சி மலரும்போது தமிழக உரிமைகள் காக்கப்படும் என கூறினார்.