நீலகிரி நவ 20,
நீலகிரி மாவட்டம் குன்னூர் தென்னிந்திய தோட்ட அதிபர்களில் அலுவலகமான உபாசி அலுவலக வளாகத்தில் சிறுத்தை ஒன்று இரவு நேரத்தில் சுற்றி திரிந்த காட்சிகள் கேமராவில் பதிவாகி குடியிருப்புவாசிகளை மிருந்த அச்சத்தில் ஆழ்த்தியுள்ளது. குன்னூர் நகரின் மைய பகுதியில் அமைந்துள்ள உபாசி வளாகத்தில், 40 அலுவலர்கள்,மற்றும் ஊழியர்கள் குடியிருந்து வருகிறார்கள். மேலும் உபாசி வளாகத்தை சுற்றி ஏராளமான பொதுமக்கள் வசித்து வருகிறார்கள். பொதுமக்கள் காலை மற்றும் மாலை வேளைகளில் நடை பயிற்சி செய்ய உபாசி வளாகத்தை ஒட்டியுள்ள சாலையை பயன்படுத்தி வருகின்றனர்.மேலும் ஏராளமான பள்ளி செல்லும் குழந்தைகள் இங்கு உள்ளனர்.
இந்நிலையில் உபாசி வளாகத்தில் சிறுத்தை, கரடி போன்ற வனவிலங்குகள் நடமாட்டம் அதிகரித்து உள்ளது. சில நாட்களாகவே கரடி ஒன்று உபாசி வளாகத்தில் அங்குல உள்ள அலுவலர்களின் குடியிருப்பு கதவுகளை உடைத்து பொருட்களை நாசம் செய்வது தொடர்கதையாக உள்ளது.
வனத்துறை துரித நடவடிக்கை எடுத்து அசம்பாவிதங்கள் ஏதும் நிகழவும் முன், கரடி மற்றும் சிறுத்தையை பிடிக்க பொதுமக்கள் கோரிக்கை வைத்துள்ளனர்.