சேலம் நவ 3,
பெப்ஸ் இண்டஸ்ட்ரீஸ், சேலம் மாநகரில் அல்லிக்குட்டை மற்றும் பெங்களூர் பைபாஸ் சாலை ஆகிய இரு இடங்களில் புதிய பிரத்யேக கிரேட் ஸ்லீப் ஸ்டோர்களைத் திறந்து தனது விற்பனைக் களத்தை விரிவுபடுத்தியுள்ளது. நான்கு புதிய தயாரிப்புத் தொகுப்புகள் அறிமுகத்தின் மூலம் சௌகரியம், ஆதரவு, நிலைப்புத்தன்மையை மறுவரையறை செய்வதே இந்நிறுவனத்தின் நோக்கம். இந்த விற்பனையகங்கள் உலகத் தரத்திலான உறக்கத் தீர்வுகளை தமிழ்நாடு முழுவதும் உள்ள வாடிக்கையாளர்களுக்கு எளிதில் கிடைக்கச் செய்கின்றன.
நிர்வாக இயக்குநர் ஜி. சங்கர் ராம் தலைமையில் தொடங்கப்பட்ட இந்நிலையங்களில் ஸ்பிரிங், ஃபோம், கயிறு மெத்தைகள், உயர்தரத் தலையணைகள், பாதுகாப்பு உறைகள் மற்றும் உறக்கத்திற்கான பிற பொருட்கள் என விரிவான தயாரிப்புகள் அனுபவ ரீதியாகத் தேர்வு செய்ய வசதி செய்யப்பட்டுள்ளது. வாடிக்கையாளர்கள் சோதனை, ஒப்பீடு மூலம் தமக்குப் பொருத்தமான உறக்கத் தீர்வுகளைத் தேர்வு செய்யும் விதமாக இந்த மையங்கள் வடிவமைக்கப்பட்டுள்ளன.
பெப்ஸ் கம்ஃபர்ட், பெப்ஸ் சுப்ரீம், பெப்ஸ் ரெஸ்டானிக் மெமரி ஃபோம், பெப்ஸ் சுப்பீரியர் ஸ்பிரிங் ரேஞ்ச் ஆகிய நான்கு புதிய தயாரிப்புகள் நவீன வாழ்க்கை முறைக்கு ஏற்ப உருவாக்கப்பட்டுள்ளன. புத்தாக்கம் மற்றும் தரத்தை மையமாகக் கொண்டு இந்தியா முழுவதும் ஆயிரக்கணக்கான விற்பனை மையங்கள், பல பிரத்யேக அங்காடிகள் மூலம் வளர்ந்து வரும் பெப்ஸ் நிறுவனம், வருங்காலத்தில் மேலும் பல முக்கிய இடங்களில் விற்பனையகங்களைத் தொடங்கத் திட்டமிட்டுள்ளது.