திருப்பூர் நவ 12,
திருப்பூர் மாநகராட்சியில் மொத்தம் 60 வார்டுகள் உள்ளது இந்த வார்டுகளில் தினமும் 700 டன் குப்பை சேகரிக்கப்படுகிறது. குப்பை கொட்டுவதற்கு பல்வேறு இடங்களில் உள்ள பயன்பாடற்ற பாறைக்குழியைதேர்ந்தெடுத்து கொட்டி வந்தது, இதற்கு தொடர்ந்து அப்பகுதியை சேர்ந்த பொதுமக்கள் பல்வேறு போராட்டங்களை முன்னெடுத்து தற்போது பாறைக்குழியில் குப்பை கொட்டப்படுவதில்லை. இதற்கு பதிலாக திருப்பூர் மாவட்டம் இடுவாய் ஊராட்சி சின்னக்காளி பாளையத்தில் திருப்பூர் மாநகராட்சிக்கு சொந்தமான 7.20 ஏக்கர் நிலத்தில் குப்பை கொட்டுவதற்கு இடம் தேர்வு செய்யப்பட்டு அங்கு குப்பை கிடங்கு அமைக்கும் பணியை மாநகராட்சி சார்பில் ஏற்பாடு செய்யப்பட்டு வருகிறது.
ஆனால் இங்கு குப்பை கொட்டுவதற்கு இடுவாய் ஊராட்சியை சேர்ந்த பொதுமக்கள் சுகாதாரக் சீர்கேடு, விவசாய நிலங்கள் பாதிக்கும் என எதிர்ப்பு தெரிவித்து பல்வேறு போராட்டங்களை நடத்தினார். இந்நிலையில் இன்று மாநகராட்சி நிர்வாகத்தை கண்டித்து இடுவாய் பகுதியில் குப்பை கொட்டுவதற்கு எதிர்ப்பு தெரிவித்தும் அந்தப் பகுதியைச் சேர்ந்த பொதுமக்கள் மற்றும் 63 வேலம்பாளையம் , கரைப்புதூர் ஆறுமத்தம்பாளையம் என நான்கு ஊராட்சி பொதுமக்கள் மாநகராட்சி நிர்வாகத்தை கண்டிக்கும் விதமாக திருப்பூர் குமரன் நினைவகம் அருகே கண்டன ஆர்ப்பாட்டம் நடைபெற்றது, இடுவாய் மண் காப்போம்” என்ற பேட்ச் அணிந்து வந்தும், மாநகராட்சிக்கு எதிரான பதாகைகளுடன் கோஷங்களை எழுப்பி கண்டன ஆர்ப்பாட்டம் நடைபெற்றது.
இதில் அந்தப் பகுதியைச் சேர்ந்த1000 க்கும் மேற்பட்ட பொதுமக்கள் கலந்து கொண்டனர்.மேலும் மண்வெட்டியுடன் இந்த ஆர்ப்பாட்டத்தில் கலந்து கொண்டனர்.
பேட்டி : செல்லமுத்து,
உழவர் உழைப்பாளர் கட்சி