திருப்பூரில் மர்மநபர்கள் தீ வைத்தால் கரும்புகை சூழ்ந்தாக தகவல்

திருப்பூர் நவ 14,

மர்ம நபர்கள் குப்பையில்தீ வைத்தஉள்ளனர். இதன் காரணமாக தீ வேகமாக பரவி குப்பை முழுவதும் எறிய தொடங்கியது அந்த பகுதி முழுவதும் கரும்புகை சூழ்ந்தது.

திருப்பூர் மாநகராட்சியின் 60 வார்டுகளிலிருந்து தினமும் சுமார் 700 டன் குப்பைகள் சேர்ந்து வருகின்றன. மாநகராட்சிக்கு குப்பை கொட்டும் இடம் இல்லாத நிலையில், பயன்பாடற்ற பாறைக்குழிகளில் குப்பைகள் கொட்டப்பட்டு வந்தன. இதற்கு பொதுமக்கள் எதிர்ப்பு தெரிவித்ததைத் தொடர்ந்து, தற்போது இடுவாய் கிராமத்தில் மாநகராட்சிக்கு சொந்தமான 7.20 ஏக்கர் நிலத்தில் குப்பை கிடங்கு அமைக்க ஏற்பாடு நடைபெற்று வருகிறது, ஆனால், அங்குள்ள மக்கள் இதற்கு கடும் எதிர்ப்பு தெரிவித்து வருவதால், மாநகராட்சி சார்பில் சேகரிக்கப்படும் குப்பைகள் தற்போது நெருப்பெரிச்சல், ஜே.ஜே. நகர் பகுதியில் கொட்டப்பட்டு, மலை போல காட்சியளிக்கின்றன. இந்த நிலையில் இன்று மர்ம நபர்கள் குப்பையில்தீ வைத்தஉள்ளனர். இதன் காரணமாக தீ வேகமாக பரவி குப்பை முழுவதும் எறிய தொடங்கியது அந்த பகுதி முழுவதும் கரும்புகை சூழ்ந்தது. அந்த பகுதி பொதுமக்கள் திருப்பூர் வடக்கு தீயணைப்புதுறையினருக்கு தகவல் தெரிவித்தனர். தீயணைப்புத் துறை வீரர்கள் சம்பவ இடத்துக்கு வந்து, சுமார் 5 லாரிகளில் தண்ணீர் மூலம் நீண்ட நேரம் போராடி தீயை அணைத்தனர். இச்சம்பவம் குறித்து மாநகராட்சி அதிகாரிகள் விசாரணை நடத்தி வருகின்றனர்.

இதுகுறித்து அப்பகுதி மக்கள் தெரிவிக்கையில்,
“மூன்று மாதங்களாக இப்பகுதியில் மாநகராட்சி குப்பை கொட்டிவருகிறது. குப்பை தரம் பிரிக்கப்படாமல் கொட்டப்படுவதால் சுவாசக் கோளாறுகள் ஏற்படுகின்றன. அருகில் உள்ள மாநகராட்சி பள்ளி மாணவர்களும் இதனால் பாதிக்கப்படுகின்றனர், மேலும் வீடுகளை விட்டு வெளியேற முடியாத சூழ்நிலை உள்ளது, நோய்த் தொற்று அபாயம் ஏற்பட அதிக வாய்ப்பு உள்ளதாகவும் எனவே இப்பகுதியில் குப்பை கொட்டுவதை உடனடியாக நிறுத்த வேண்டும்” என அவர்கள் கோரிக்கை விடுத்துள்ளனர்.