கோவை. நவ 5,
கோவையில் கல்லூரி மாணவி பாலியல் வன்கொடுமை செய்யப்பட்ட வழக்கில் சுட்டு பிடிக்கப்பட்ட மூன்று பேரிடம் வருவாய் கோட்டாட்சியர் விசாரணை நடத்தியுள்ளார்.
கோவையில் கல்லூரி மாணவி பாலியல் வன்கொடுமை செய்யப்பட்ட வழக்கில் துப்பாக்கியால் சுட்டு பிடித்த மூன்று பேரிடம் கோவை வடக்கு வருவாய் கோட்டாட்சியர் நேரில் விசாரணை நடத்தினார்.
கோவை விமான நிலையம் பின்புறம் உள்ள காலி இடத்தில் தனியார் கல்லூரியில் முதுகலை முதலாம் ஆண்டு படிக்கும் மாணவி அவரது ஆண் நண்பருடன் பேசிக் கொண்டிருக்கும் பொழுது மூன்று பேரால் கூட்டு பாலியல் வன்கொடுமை செய்யப்பட்ட சம்பவத்தில் குணா என்கிற தவசி, சதீஷ் என்கிற கருப்பசாமி , கார்த்தி என்கிற காளீஸ்வரன் ஆகிய மூன்று பேரை காவல்துறையினர் சுட்டு பிடித்துள்ளனர்.
பிடிக்கப்பட்ட மூன்று பேரும் தற்பொழுது கோவை அரசு மருத்துவமனை பொது அறுவை சிகிச்சை பிரிவில் சிகிச்சை பெற்று வருகின்றனர் . இந்த நிலையில் மூன்று பேரிடம் கோவை வடக்கு வருவாய் கோட்டாட்சியர் ராமகிருஷ்ணன் நேரில் விசாரணை நடத்தினார். சுமார் ஒரு மணி நேரம் விசாரணை மேற்கொண்டு சென்ற அவரிடம் செய்தியாளர்கள் எழுப்பிய கேள்விகளுக்கு பதில் அளிக்காமல் புறப்பட்டார்.