திருச்சி நவ 13,
புதுக்கோட்டை மாவட்டம் கீரனூர் அருகே திருச்சி புதுக்கோட்டை தேசிய நெடுஞ்சாலையில் சிறிய ரக விமானம் தொழில்நுட்பக் கோளாறு காரணமாக திடீரென சாலையில் தரையிறங்கியதால் பரபரப்பு ஏற்பட்டுள்ளது இந்த பயிற்சி விமானத்தில் விமானி உட்பட இரண்டு பேர் இருந்ததாக கூறப்படுகிறது. தொழில்நுட்ப கோளாறு காரணமாக விமானி அவசரமாக சாலையில் தரையிறக்கியதால் பெரும் பரபரப்பு ஏற்பட்டுள்ளது.
இந்த விமானம் தரையிறங்கியதால் பொதுமக்களுக்கோ, அதில் பயணம் செய்த விமானி உட்பட மற்றவர்களுக்கோ எந்தவித காயமும் சேதமும் ஏற்படவில்லை. அதே வேளையில் சாலையில் சிறிய ரக விமானம் தரையிறங்கியதால் பொதுமக்கள் அதிர்ச்சியடைந்தனர்.
தற்பொழுது கீரனூர் காவல்துறையினர் சம்பவம் நடந்த இடத்திற்கு விரைந்து சென்றுள்ளனர்.
.அதோடு தீயணைப்பு துறையினரும் சென்றுள்ளதாக தகவல் தெரிவிக்கின்றன. இந்த சிறிய ரக பயிற்சி விமானம் எங்கிருந்து வந்தது? என்பது குறித்த தகவல்கள் தற்பொழுது ஒவ்வொன்றாக வர துவங்கியுள்ளன. அந்த சிறிய ரக விமானம் ஆனது சேலத்தில் இருந்து காரைக்குடி நோக்கி சென்று கொண்டிருந்த பொழுது இந்த விபத்து நடந்ததாக கூறப்படுகிறது.
.இந்த சிறிய ரக பயிற்சி விமானம் தேசிய நெடுஞ்சாலையில் தொழில்நுட்பக் கோளாறு காரணமாக திடீரென தரையரங்கியதால் தற்பொழுது பரபரப்பு ஏற்பட்டுள்ளது.
திருச்சி விமான நிலையத்திலிருந்து 20 கிலோ மீட்டர் தொலைவில் இந்த சம்பவம் நடைபெற்றுள்ளது.
மேலும் திருச்சி விமான நிலையம் தற்போது தான் சர்வதேச விமான நிலையமாக மாற்றம் செய்யப்பட்டுள்ள நிலையில் அந்த விமான நிலையத்தில் அவசரமாக தரையிறங்குவதற்கு பதிலாக இலக்கு மாறி சாலையில் தரையிறங்கியதாக கூறப்படுகிறது.