பாரம்பரிய முறையில் தலைமேல் தேங்காய்களை உடைத்து  வழிபாடு செய்த குறும்பர் இன மக்கள்

கிருஷ்ணகிரி நவ 3,

பழமை வாய்ந்த கரியால லிங்கேஸ்வரர் கோவில் கோபுர பிரதிஷ்டாபன விழா சிறப்பாக நடைபெற்றது

கிருஷ்ணகிரி மாவட்டம் ஓசூர் அருகிலுள்ள படு தேப்பள்ளி கிராமத்தில் அமைந்துள்ள பழமை வாய்ந்த
ஸ்ரீ கரியால லிங்கேஸ்வரர் சுவாமி கோயிலில், புதிதாக கட்டப்பட்ட கோவில் கோபுர நுழைவு வாயிலின் பிரதிஷ்டாபன கும்பாபிஷேகமும், சித்தேஸ்வர சுவாமி பிரதிஷ்டை நிகழ்ச்சியும்
வெகு சிறப்பாக நடைபெற்றது.

முன்னதாக கனகதாசருக்கு சிறப்பு பூஜைகள் மற்றும் வழிபாடுகள் நடைபெற்றன.

அதோடு, குறும்பர் இன மக்களின் பாரம்பரிய அடையாளமான நடுக்கல்களுக்கு அலங்காரம் செய்து சிறப்பு பூஜைகள் செய்யப்பட்டது.

தொடர்ந்து கோயிலில் வீற்றிருக்கும் பீரேஸ்வரா, கரியால லிங்கேஸ்வரர், உஜ்ஜினி லிங்கேஸ்வரர் மற்றும் லக்கம்மா தேவி உள்ளிட்ட உற்சவ தெய்வங்களுக்கு அலங்காரம் செய்யப்பட்டு, மேளதாளம் முழங்க ஊர்வலம் நடைபெற்றது.

அதனைத் தொடர்ந்து, குறும்பர் இன மக்கள் தங்கள் பாரம்பரிய முறையில் தலைமேல் தேங்காய்களை உடைத்து நேர்த்திக் கடன்களை செலுத்தினர்.

அலங்கரிக்கப்பட்ட காளைகளுக்கு முதலில் தேங்காய் உடைத்து வழிபாடு செய்த பின், பக்தர்கள் ஒருவர் பின் ஒருவராக தலைமேல் தேங்காய்களை உடைத்து நேர்த்தி செலுத்தினர்.

இந்த விழாவில் அந்தப் பகுதி மக்கள் ஏராளமானோர் கலந்து கொண்டு விழாவின் ஆன்மிகச் சிறப்பை உயர்த்தினர்.