கோவையை அடுத்த தமிழக கேரள எல்லை பகுதியான வாளையாரில் ஆம்னி பேருந்துகள் நிறுத்தப்பட்டதால் பரபரப்பு ஏற்பட்டது.

கோவை நவ 8,
கேரள மாநிலத்தில் தமிழக பதிவெண் கொண்ட ஆம்னி பேருந்துகளுக்கு கேரள வட்டார போக்குவரத்து துறை அதிகாரிகள் அபராதம் விதிப்பதுடன் பேருந்துகளை பறிமுதல் செய்வதாக கூறி கோவையை அடுத்த தமிழக கேரள எல்லை பகுதியான வாளையாரில் ஆம்னி பேருந்துகள் நிறுத்தப்பட்டதால் பரபரப்பு ஏற்பட்டது.
தமிழகத்தில் இருந்து கேரள மாநிலத்திற்கு தமிழக பதிவெண் கொண்ட ஆம்னி பேருந்துகள் இயக்கப்பட்டு வருகின்றன. இந்த பேருந்துகள் கேரள மாநிலத்தில் சாலை வரி செலுத்தாமல் இயக்கப்படுகின்றன. இந்நிலையில் இந்த ஆம்னி பேருந்துகளுக்கு நேற்று கேரளா மாநிலம் எர்ணாகுளத்தில் போக்குவரத்து துறை அதிகாரிகள் அபராதம் விதித்தனர். ஒவ்வொரு பேருந்திற்கும் 2 லட்சம் முதல் 3 லட்சம் வரை அபராதம் விதிக்கப்பட்டுள்ளது.இந்நிலையில் நேற்று இரவு முதல் கேரளாவிற்கு ஆம்னி பேருந்துகளை இயக்க மாட்டோம் என தமிழக ஆம்னி பேருந்து உரிமையாளர்கள் தெரிவித்திருந்தனர்.
இந்நிலையில் நேற்று பல்வேறு பகுதிகளில் இருந்து கிளம்பிய ஆம்னி பேருந்துகள் இன்று காலை  கோவையை அடுத்த தமிழக கேரள எல்லையான வாளையார் சோதனை சாவடியில் நிறுத்தப்பட்டது.
கேரளாவில் தங்கள் அபராதம் விதிக்கபடுவதாகவும்,
வாகனங்களுக்கு பாதுகாப்பு இல்லை என வாளையார் சோதனை சாவடி அருகே ஆம்னி வாகனங்கள் நிறுத்தப்பட்டது. இதனையடுத்து பேருந்தில் இருந்த பயணிகள் ஆம்னி பேருந்து பேருந்து ஓட்டுனர்களுடன் வாக்குவாதத்தில் ஈடுபட்டனர்.
இதனையடுத்து தமிழக கேரள எல்லையான வாளையார் பகுதியில் சுமார் ஒரு மணி நேரம் நிறுத்தி வைக்கப்பட்ட 10 க்கும் மேற்பட்ட ஆம்னி வாகனங்கள் கேரளாவிற்குள் இயக்கப்பட்டது.