திருப்பூர் நவ 21,
திருப்பூர் குமார் நகர் அங்கேரிபாளையம் சாலையில் அமைந்துள்ளது பிஷப் பள்ளி. இந்தப் பள்ளியில் பயிலும் மாணவர்களும் குமார் நகர் பள்ளியில் பயிலும் மாணவர்களிடையே மோதல் இருந்து வந்ததாக கூறப்படுகிறது இதன் காரணமாக இன்று பள்ளி முடிந்தவுடன் மாணவர்கள் ஒருவரை ஒருவர் தாக்கிக் கொள்ள கூட்டம் கூட்டமாக குவிந்தனர் மேலும் இவர்கள் கத்தி இரும்பு கம்பிகள் உள்ளிட்டவற்றை எடுத்துக்கொண்டு குமார் நகர் பகுதியில் சுற்றித்திரிந்ததால் பரபரப்பு ஏற்பட்டது இதனை தொடர்ந்து அப்ப பகுதி பொதுமக்கள் கொடுத்த தகவலின் பெயரில் விரைந்து சென்ற திருப்பூர் வடக்கு போலீசார் குமார் நகர் பகுதியில் ரோந்து பணியில் ஈடுபட்டு மாணவர்களை உடனடியாக அப்புறப்படுத்தினர் மேலும் இவர்களை கண்டதும் மாணவர்கள் அங்கிருந்து தப்பி ஓடினர். இதனைத் தொடர்ந்து சில மாணவர்களை பிடித்த போலீசார் அவர்களது உள்ளிட்டவற்றை சோதனை செய்து அவர்களை பாதுகாப்பாக வீட்டிற்கு செல்லுமாறு அறிவுறுத்தினர் மேலும் பள்ளி முடிந்தவுடன் வீட்டிற்கு விரைந்து செல்ல வேண்டும் எனவும் தேவையற்ற செயல்களில் ஈடுபடக் கூடாது எனவும் எச்சரித்து மாணவர்களுக்கு விழிப்புணர்வை ஏற்படுத்தி போலீசார் அனுப்பி வைத்தனர். மேலும் தாக்குதல் சம்பவத்தில் ஈடுபட்ட மாணவர்கள் மற்றும் ஆயுதங்களுடன் சுற்றித்திரிந்த மாணவர்கள் குறித்தும் போலீசார் தீவிரமாக விசாரணை மேற்கொண்டு வருகின்றனர்.