நாகையில் கிராம நிர்வாக அலுவலர் முகத்தில் ரத்த காயங்களுடன் மர்மமான முறையில் உயிரிழப்பு – கொலையா?

நாகப்பட்டினம் நவ 8,

நாகையில் கிராம நிர்வாக அலுவலர் முகத்தில் ரத்த காயங்களுடன் மர்மமான முறையில் உயிரிழப்பு – கொலையா?  அல்லது வேறு ஏதேனும் காரணமா என்ற கோணத்தில் போலீசார் தீவிர விசாரணை
நாகை மாவட்டம்  திருக்குவளை அடுத்த வாழக்கரை பகுதியைச் சேர்ந்த ராஜாராமன் (வயது 40) மர்மமான முறையில் உயிரிழந்து கிடந்த சம்பவம் பரபரப்பை ஏற்படுத்தியுள்ளது.
காரைக்கால்–திருத்துறைப்பூண்டி தேசிய நெடுஞ்சாலையில் முகம் மற்றும் தலையில் காயங்களுடன் அவர் உயிரிழந்த நிலையில் காணப்பட்டார். இதுகுறித்து பொதுமக்கள் அளித்த தகவலின் பேரில், வெளிப்பாளையம் காவல்துறை சம்பவ இடத்துக்கு விரைந்து சென்று உடலை கைப்பற்றி, உடற்கூறு ஆய்விற்காக ஒரத்தூர் அரசு மருத்துவக் கல்லூரி மருத்துவமனைக்கு அனுப்பி வைத்துள்ளது.
முதற்கட்ட விசாரணையில், ராஜாராமன் கடந்த 2024 ஆம் ஆண்டு எட்டுக்குடி ஊராட்சிக்கு உட்பட்ட வல்லம் வருவாய் கிராமத்தின்  கிராம நிர்வாக அலுவலராக பணியாற்றியபோது, பட்டா மாற்றம் தொடர்பாக லஞ்சம் கேட்டதாக கூறி லஞ்ச ஒழிப்புத் துறை போலீசாரால் கைது செய்யப்பட்டிருந்தது தெரியவந்துள்ளது.
நேற்று அந்த வழக்கு விசாரணைக்காக நீதிமன்றத்துக்கு சென்று வந்த நிலையில், இன்று அதிகாலை அவர் உயிரிழந்த நிலையில் காணப்பட்டுள்ளார்.
இருசக்கர வாகனத்தில் சென்றவர், செல்லூர் கிழக்கு கடற்கரை சாலை அருகே முகத்தில் இரத்த காயங்களுடன் விழுந்து இறந்து கிடந்ததாகவும், இது விபத்தா அல்லது கொலையா என்ற கோணத்தில் போலீசார் பல்வேறு கோணங்களில் தீவிரமாக விசாரணை மேற்கொண்டு வருகின்றனர்.