கோவை ,நவ. 8-
ஆண்டுதோறும் நவம்பர் 14-ந்தேதி உலக நீரிழிவு தினமாக கடைபிடிக்கப்படுகிறது. நீரிழிவு நோய் பற்றிய விழிப்புணர்வை ஏற்படுத்துவதையும், நீரிழிவால் பாதிக்கப்பட்டு உள்ளவர்களுக்கு சிகிச்சையின் முக்கியத்துவத்தையும் வலியுறுத்தும் வகையில் இந்த தினம் கடைபிடிக்கப்படுகிறது. முதலாளிகள் மற்றும் ஊழியர்கள் இருவரும் நீரிழிவு நோய் குறித்து நன்கு புரிந்துகொள்ளவும், பணியிடத்தில் பயனுள்ள மேலாண்மைக்கு ஆதரவான சூழல்களை உருவாக்கவும் ஊக்குவிக்கும் வகையில் இந்த ஆண்டு “பணியிடத்தில் நீரிழிவு” என்னும் தலைப்பில் நடைபெறுகிறது. இன்றைய பரபரப்பான உலகில், உணவுமுறைகள் பெரும்பாலும் சுத்திகரிக்கப்பட்ட கார்போஹைட்ரேட்டுகள் மற்றும் சர்க்கரைகள் நிறைந்த பதப்படுத்தப்பட்ட உணவுகளாக இருப்பதால், நீரிழிவு பிரச்சினை அதிகரித்து வருகிறது. “உலகின் நீரிழிவு தலைநகரம்” என்று குறிப்பிடப்படும் இந்தியா, ஒரு குறிப்பிடத்தக்க சவாலை எதிர்கொள்கிறது. இந்திய மருத்துவ ஆராய்ச்சி கவுன்சில் நடத்திய சமீபத்திய ஆய்வில், 10 கோடி இந்தியர்களுக்கு நீரிழிவு நோய் இருப்பதாகவும், மேலும் 13.6 கோடி பேர் நீரிழிவு நோய்க்கு முந்தைய நிலையில் இருப்பதாகவும் தெரிய வந்திருக்கிறது.எனவே ரத்த சர்க்கரை அளவைப் பராமரிப்பதில் சீரான உணவு முக்கிய பங்கு வகிக்கிறது, மேலும் ஊட்டச்சத்து நிறைந்த உணவுகளுடன் ஒவ்வொரு நாளையும் தொடங்குவது என்பது பெரியதொரு மாற்றத்தை ஏற்படுத்தும். புரதம், நிறைவுறா கொழுப்புகள் மற்றும் உணவு நார்ச்சத்து உள்ளிட்ட 15 அத்தியாவசிய ஊட்டச்சத்துக்கள் நிறைந்த பாதாமுடன் உங்கள் நாளைத் தொடங்குவது, ஆரோக்கியமான ரத்த சர்க்கரை ஒழுங்குமுறையை ஆதரிக்க உதவும். மேலும் பாதாம் ஆரோக்கியமான ரத்த சர்க்கரையை பராமரிக்கவும், டைப் 2 நீரிழிவு நோயாளிகளில் குளுக்கோஸ் கட்டுப்பாட்டை மேம்படுத்தவும், கார்போஹைட்ரேட் அதிகம் உள்ள உணவுகளின் ரத்த சர்க்கரை தாக்கத்தைக் குறைக்கவும் உதவதாக ஆய்வில் தெரிய வந்திருக்கிறது. பாதாமில் அழற்சி எதிர்ப்பு நன்மைகள் உள்ளது. குறிப்பாக இது டைப் 2 நீரிழிவு நோயாளிகளுக்கு மிகவும் ஏற்றது.புதுடெல்லியில் உள்ள போர்டிஸ்-சி-டிஓசி நீரிழிவு, வளர்சிதை மாற்ற நோய்கள் மற்றும் நாளமில்லா சுரப்பியியல் சிறப்பு மையத்தின் பேராசிரியரும் தலைவருமான டாக்டர் அனூப் மிஸ்ரா தலைமையிலான சமீபத்திய ஆய்வில், உணவுக்கு முன் பாதாம் உட்கொள்வது, நீரிழிவு நோய்க்கு முந்தைய நிலை மற்றும் உடல் பருமன் உள்ள ஆசிய இந்தியர்களின் ரத்த சர்க்கரை கட்டுப்பாட்டை கணிசமாக மேம்படுத்துவதாகக் கண்டறியப்பட்டுள்ளது. இது ஒட்டுமொத்த வளர்சிதை மாற்ற ஆரோக்கியத்தை ஆதரிப்பதில் பெரும் பங்கு வகிக்கிறது.ஊட்டச்சத்து மற்றும் ஆரோக்கிய ஆலோசகர் ஷீலா கிருஷ்ணசாமி கூறுகையில், நீரிழிவு நோய் இந்தியாவில் மிகவும் பரவலாகக் காணப்படும் தொற்றா நோய்களில் ஒன்றாகும், மோசமான உணவுப் பழக்கவழக்கங்கள் மற்றும் உட்கார்ந்த வாழ்க்கை முறை ஆகியவற்றின் காரணமாக நீரிழிவு நோய் அதிகரித்து வருகிறது. இந்த உலக நீரிழிவு தினத்தில், அனைவரும் தாங்கள் எடுத்துக் கொள்ளும் உணவை மிகவும் கவனமாக பார்த்து எடுத்துக் கொள்ள வேண்டும். பாதாம், காய்கறிகள், முளை கட்டிய பயிர்கள், புதிய பழங்கள் போன்ற ஊட்டச்சத்து நிறைந்த உணவுகளை உங்கள் அன்றாட வழக்கத்தில் சேர்த்துக் கொள்வது என்பது ரத்த சர்க்கரை அளவை சிறப்பாக நிர்வகிக்க உதவும். பாதாமில் புரதம், நிறைவுறா கொழுப்புகள் மற்றும் உணவு நார்ச்சத்து நிறைந்துள்ளது மற்றும் குறைந்த கிளைசெமிக் குறியீட்டைக் கொண்டுள்ளது, அதாவது அவை ரத்த சர்க்கரை அளவை அதிகரிக்காது. தினந்தோறும் நீங்கள் பாதாம் எடுத்துக்கொள்ளும்போது அது உங்கள் ஆற்றல் அளவை மேம்படுத்தவும், மனநிறைவை ஆதரிக்கவும், பதப்படுத்தப்பட்ட உணவுகளை நீங்கள் அதிகம் சாப்பிடுவதை குறைக்கவும் உதவும் என்று தெரிவித்தார்.டெல்லி மேக்ஸ் ஹெல்த்கேர் உணவுமுறை பிராந்தியத் தலைவர் ரித்திகா சமதார் கூறுகையில், பச்சை இலை காய்கறிகள் மற்றும் முழு தானியங்கள் நிறைந்த ஒரு சமச்சீர் உணவு நமது உடலில் சர்க்கரை அதிகரிப்பைத் தடுக்க உதவும். குறிப்பாக பாதாமில் பல்வேறு ஊட்டச்சத்துக்கள் இருப்பதாகவும், புரதத்தின் மூலமாகவும், அதிக நார்ச்சத்து நிறைந்ததாகவும் அறியப்படுகிறது.