பள்ளி மாணவியிடம் பாலியல் சீண்டலில் ஈடுபட்ட காவலர் போக்சோ சட்டத்தில் கைது.

விழுப்புரம் மாவட்டம் திண்டிவனம் அருகே பள்ளி மாணவியிடம் பாலியல் சீண்டலில் ஈடுபட்ட பிரம்மதேசம் காவலர் இளங்கோவை திண்டிவனம் மகளிர் காவல் நிலையத்தில் வைத்து விசாரணை செய்து வந்த நிலையில் தற்போது போக்சோ சட்டத்தின் கீழ் கைது செய்துள்ளனர்

குயிலாப்பாளையம் மற்றும் கொந்தாமூரை சார்ந்த பத்தாம் வகுப்பு மாணவி மற்றும் பணிரெண்டாம் வகுப்பு மாணவன் இருவரும் காதலித்து வந்த நிலையில் சென்னைக்கு வீட்டிற்கு தெரியாமல் கடந்தி 6 ஆம் தேதி சென்றுள்ளனர். சென்னையிலிருந்து திரும்பிய இருவரும் மீண்டும் இரவு திண்டிவனம்  மன்னார்சாமி கோவில் அருகே வந்த போது இரவு ரோந்தில் இருந்த பிரம்மதேசம் காவலர் இளங்கோ இருசக்கர வாகனத்தில் அதிகாலை வந்த இருவரை பிடித்து விசாரனை செய்தபோது வீட்டிற்கு தெரியாமல் வந்தது தெரியவந்தது. இதனையடுத்து காவலர் பள்ளி மாணவனை வீட்டிற்கு போக சொல்லி அனுப்பி வைத்துவிட்டு மாணவியை பாதுகாப்பாக காவல் நிலையம் அழைத்து செல்வதாக  கூறி பிரம்மதேசம் காவல் நிலையம் அருகேயுள்ள பாழடைந்த வீட்டிற்கு மாணவியை அழைத்து சென்று பாலியல்  சீண்டலில்  ஈடுபட்டதாக கூறப்படுகிறது  இதனையடுத்து அதிகாலை மாணவியை வீட்டிற்கு அழைத்து சென்று பெற்றோரிடம் ஒப்படைத்துள்ளார். அப்போது மாணவி பெற்றோரிடம் காவலர் தன்னிடம் பாலியல் சீண்டலில்  ஈடுபட்டதாக தெரிவித்துள்ளார். இதனை கேட்டு அதிர்ச்சி அடைந்த பெற்றோர் ஏற்கனவே மகளை காணவில்லை என புகார் அளித்த ஆரோவில் காவல் நிலையத்தில் புகார் தெரிவித்துள்ளனர். இந்த புகாரை தொடர்ந்து திண்டுவனம் மகளிர் போலீசார் வழக்கு பதிவு செய்து காவலரை திண்டிவனம் மகளிர் காவல் நிலையத்தில் வைத்து  விசாரனை செய்து வந்த நிலையில் தற்போது காவலர் இளங்கோவை போலீசார் போக்சோ சட்டத்தின் கீழ் கைது செய்து நீதிமன்றத்தில் ஆஜார் படுத்தி சிறையில் அடைத்தனர் .