கோவை கல்லூரி மாணவி கூட்டு பாலியல் வன்கொடுமை வழக்கில் சுட்டுப் பிடித்து கைது செய்யப்பட்ட மூன்று பேரையும் வரும் 19 ஆம் தேதி வரை நீதிமன்ற காவலில் அடைக்க நீதிபதி உத்தரவிட்டுள்ளார்.
கோவையில் கடந்த நவம்பர் 2ஆம் தேதி கல்லூரி மாணவி கூட்டு பாலியல் வன்கொடுமை செய்யப்பட்ட வழக்கில் தலைமுறைவாக இருந்த நபர்கள் காவலர்களை தாக்க முயன்ற போது சுட்டுப் பிடிக்கப்பட்டனர். காயமடைந்த தவசி, கருப்பசாமி , காளீஸ்வரன் ஆகிய மூன்று பேரும் கோவை அரசு மருத்துவக் கல்லூரி மருத்துவமனையில் தீவிர சிகிச்சைக்கு பிறகு பொது பிரிவிற்கு மாற்றப்பட்டனர். இந்த நிலையில் மூன்று பேரையும் மருத்துவமனையில் நேரில் விசாரித்த கோவை ஒருங்கிணைந்த நீதிமன்ற JM 2 நீதிபதி அப்துல் ரகுமான் கைது செய்யப்பட்ட மூவரையும் வரும் 19 ஆம் தேதி வரை 14 நாட்கள் நீதிமன்ற காவலில் அடைக்க உத்தரவிட்டார். இந்த நிலையில் பொதுப்பிரிவில் சிகிச்சை பெற்று வந்த மூன்று பேரும் அரசு மருத்துவக் கல்லூரி மருத்துவமனையில் உள்ள சிறை பிரிவிற்கு மாற்றப்பட உள்ளனர்.