தர்மபுரி டிச 22,
தர்மபுரி மாவட்ட அரூர் சட்டமன்றத் தொகுதியில், 2026 தமிழ்நாடு சட்டமன்றத் தேர்தலில் அ.தி.மு.க சார்பில் பொதுவேட்பாளராக போட்டியிட விருப்பம் தெரிவித்து,
செல்லம்பட்டி புதூர் கிராமத்தைச் சேர்ந்த அபிநயா-விக்னேஷ் தம்பதியர் முன்னாள் அமைச்சர் வள்ளார்மதியிடம் மனு
அ.தி.மு.க பொதுச்செயலாளர் எடப்பாடி கே.பழனிச்சாமி, கழக அமைப்பு செயலாளர்
கே.பி. அன்பழகன் உள்ளிட்ட கட்சியினரின் ஆசியுடன் தொடர்ந்து பணியாற்றி வரும் இவர்கள், சாதி மறுப்பு திருமணம் செய்து சமூக ஒற்றுமையை வலியுறுத்தி வருவதாக மனுவில் கூறியுள்ளனர்.
வாக்காளர் ஆதரவு அதிகரிப்பு
அரூர் தொகுதி மக்களிடம் அ.தி.மு.கவின் கொள்கைகள் பரவலாக ஏற்பு காண்கிறது. தம்பதியர் பல்வேறு பகுதிகளில் கட்சித் தலைவர்களின் சாதனைகள் குறித்து விழிப்புணர்வு ஏற்படுத்தி, கழக அடித்தளத்தை வலுப்படுத்தி வருவதால் வாக்காளர் ஆதரவு பெருகி வருவதாக தெரிவித்துள்ளனர்.
இது அ.தி.மு.கவின் 2026 தேர்தல் வெற்றிக்கு நல்ல அடையாளமாக மாறியுள்ளது.
சமூக ஒற்றுமை வலியுறுத்தல்
விக்னேஷ் வன்னியர் சமூகத்தைச் சேர்ந்தவராவார், அபிநயா ஆதிதிராவிடர் சமூகத்தைச் சேர்ந்தவராவார்.
இரு சமூகங்களின் ஒத்துழைப்புடன் அரூர் தொகுதியில் உறுதியான வெற்றி பெறுவோம் என நம்பிக்கை தெரிவித்துள்ளனர்.
கட்சியின் உறுப்பினர்களாக தொடர்ந்து பணியாற்றி வருவதாகவும் மனுவில் பதிவு செய்யப்பட்டுள்ளது.
கோரிக்கை முன்வைப்பு
அரூர் தொகுதியில் அ.தி.மு.க சார்பில் வேட்பாளராக நிறுத்தப்பட வாய்ப்பு வழங்குமாறு வள்ளார்மதியிடம் கோரிக்கை வைக்கப்பட்டுள்ளது.
இது போன்ற விருப்ப மனுக்கள் 2026 தேர்தலுக்கு கட்சியில் ஆர்வத்தை பிரதிபலிக்கிறது.