தி.மு.க. எம்.பி.க்களுடன் முதலமைச்சர் ஸ்டாலின் ஆலோசனை!

வாக்காளர் திருத்தம், மெட்ரோ ரெயில்
குறித்து குரல் எழுப்ப அறிவுரை!!

சென்னை, நவ.30
பாராளுமன்ற குளிர்கால கூட்டத்தொடர் நாளை மறுநாள் தொடங்குகிறது. இதை முன்னிட்டு தி.மு.க. எம்.பி.க்களுடன் முதலமைச்சர் மு.க.ஸ்டாலின் ஆலோசனை நடத்தினார். அப்போது தமிழக நலன்கள் தொடர்பாக குரல் எழுப்ப வேண்டும் என அறிவுரை வழங்கினார். அந்த வகையில் வாக்காளர் பட்டியல் திருத்தம், மெட்ரோ ரெயில் குறித்து அறிவுரை வழங்கியுள்ளார்.
பாராளுமன்ற குளிர்கால கூட்டத்தொடர் நாளை மறுநாள் (டிசம்பர் 1–ஆம் தேதி) கூடுகிறது. இந்தக் கூட்டம் டிசம்பர் 19–ஆம் தேதி வரை மிகக் குறைந்த நாட்களே நடக்கிறது. அதன் பிறகு ஜனவரியில் பட்ஜெட் கூட்டம் தொடங்கிவிடும். அதனால் தான் குளிர்கால கூட்டத்தொடரை குறைந்த நாட்கள் மட்டுமே நடத்த முடிவு செய்யப்பட்டுள்ளது.
இந்தக் கூட்டத் தொடரில் பல முக்கிய பிரச்சினைகளை எழுப்ப எதிர்க்கட்சிகள் திட்டமிட்டுள்ளன. தற்போது 12 மாநிலங்களில் வாக்காளர் பட்டியல் சிறப்புத் திருத்தம் நடைபெற்று வருகிறது.
இதை எதிர்க்கட்சிகள் குறை கூறி வருகின்றன. அது மட்டுமல்லாது இந்தப் பணியால் ஊழியர்கள் கடுமையான அழுத்தத்திற்கு ஆளாவதாகவும் குற்றஞ்சாட்டப்படுகிறது. மேற்கு வங்கத்தில் மட்டும் 40 பேர் தற்கொலை செய்துள்ளதாக கூறப்படுகிறது. ஆகவே இந்த விவகாரத்தை எதிர்க்கட்சிகள் கையில் எடுக்க உள்ளன.
இது ஒருபுறம் இருக்க இந்தக் கூட்டத்தொடரில் சுமார் 10 மசோதாக்களை நிறைவேற்ற மத்திய அரசு முடிவு செய்துள்ளது. அதில் அணுசக்தி துறையில் தனியாருக்கு பங்களிப்பது குறித்தும் அனுமதி வழங்கப்படுகிறது.
தி.மு.க. ஆலோசனை
இந்தநிலையில், தி.மு.க தலைவரும், தமிழக முதலமைச்சருமான மு.க.ஸ்டாலின் தலைமையில், தி.மு.க எம்.பி.க்கள் கூட்டம், சென்னை, அண்ணா அறிவாலயம், ‘முரசொலி மாறன் வளாகத்தில்’ உள்ள கூட்ட அரங்கில் இன்று நடைபெற்றது.
நாடாளுமன்றத்தில் கோவை, மதுரை மெட்ரோ திட்டம் நிராகரிப்பு, எஸ்.ஐ.ஆர் உள்ளிட்ட விவகாரங்களை எழுப்புவது குறித்து தி.மு.க. எம்.பி.க்கள் கூட்டத்தில் முதல்வர் ஸ்டாலின் பல்வேறு ஆலோசனைகளை வழங்கினார்.
இந்தகூட்டத்தில், தி.மு.க பொதுச்செயலாளர் துரைமுருகன், எம்.பி.க்கள் டி.ஆர்.பாலு, திருச்சி சிவா, கனிமொழி கருணாநிதி, ஆ.ராசா, பி.வில்சன், தமிழச்சி தங்கபாண்டியன் உள்ளிட்ட எம்.பி.க்கள் மற்றும் மூத்த நிர்வாகிகள் கலந்து கொண்டனர்.

70 முதல் 90 கி.மீ. வேகத்­தில்
பலத்த சூறைக்­காற்று வீசும்!

சென்னை, நவ.30
டித்வா புயல் நாளை தமி­ழக கரைக்கு மிக­வும் நெருக்­க­மாக வரும். குறைந்­த­பட்­சம் 25 கி.மீ. தொலைவு, அதி­க­பட்­சம் 60 கி.மீ. தொலை­வும் இருக்­கும். இதன் கார­ண­மாக கட­லோர மாவட்­டங்­க­ளில் பலத்த சூறைக்­கா ற்­று­டன் மழை பெய்­யும். சென்­னை­யில் 70 கி.மீ. முதல் 80 கி.மீ. வேகத்­தில் காற்று வீசும் என கூறப்­ப­டு­கி­றது. கட­லூர் பகு­தி­யில் 90 கி.மீ. வேகத்­தி­லும் காற்று வீச­லாம் என வானிலை ஆய்வு மையம் தெரி­வித்­துள்­ளது. அத்­து­டன் பலத்த மழை­யும் பெய்­யும். ஒரு வேளை இந்­தப் புயல் வலு­வி­ழக்­கும் வாய்ப்­பும் உள்­ளது.