கோவை நவ 11,
கோவையில் Bumple App மூலம் பழக்கம் ஏற்பட்ட இளம் பெண்ணிடம் 3 பவுண் தங்க நகை மற்றும் 90 ஆயிரம் ரூபாய் பணத்தை பறித்து போலீஸ் டி.எஸ்.பியின் மகன் தருண் என்பவரை பந்தய சாலை காவல் துறையினர் கைது செய்தனர்.
கோவை மாவட்டம் பொள்ளாச்சியை சேர்ந்த 25 வயது பெண் கடந்த ஆறு மாதங்களாக கோவை பாப்பநாயக்கன் பாளையத்தில் உள்ள பெண்கள் விடுதியில் தங்கி, தனியார் நிறுவனத்தில் பணியாற்றி வருகின்றார்.
இவருக்கு கடந்த சில நாட்களுக்கு முன்பு, Bumple App மற்றும் Snapchat மூலம் கோவை ராமநாதபுரத்தை சேர்ந்த தருண் (28) என்ற இளைஞருடன் பழக்கம் ஏற்பட்டது. இவர் திண்டுக்கல் மாவட்டத்தில் பணியாற்றும் டி.எஸ்.பி தங்கபாண்டியன் என்பவரது மகன்.
ஆன்லைன் செயலி இளம் பெண்ணிடம் பேசிய தருண், நேரில் பார்த்து பேசலாம் அழைத்து, கடந்த 2 ம் தேதி ஞாயிற்று கிழமை மாலை 6 மணிக்கு தனது சொகுசு காரை எடுத்துக்கொண்டு பாப்பநாயக்கன் பாளையம் மகளிர் விடுதிக்கு சென்று இளம் பெண்ணை விடுதியிலிருந்து அழைத்து சென்றுள்ளார். கோவையை அடுத்த க.க. சாவடி தனியார் கல்லூரி அருகே காரை நிறுத்திய தருண், அங்கு மற்றொரு நபரை வரவழைத்ததுடன்,
இருவரும் சேர்ந்து இளம்பெண்ணை மிரட்டி அவர் அணிந்து இருந்த 3 பவுண் நகைகளையும் , upi மூலம் அவரது கணக்கில் இருந்து 90 ஆயிரம் ரூபாய் பணத்தையும் பறித்துள்ளனர்.
பின்னர் மீண்டும் இளம்பெண்ணை கோவை அழைத்து வந்து ,கோவை திருச்சி சாலையில் இறக்கி விட்டுள்ளனர். இரவு நேரத்தில் ஹாஸ்டலில் அனுமதிக்க மாட்டார்கள் என அந்த இளம் பெண் கூறியதால் தருண், மீண்டும் இளம்பெண்ணின் மொபைலை வாங்கி அதன் மூலம் நட்சத்திர ஹோட்டலில் அறையை பதிவு செய்து கொடுத்து அனுப்பியுள்ளார்.நட்சத்திர விடுதியில்
அறைக்கு சென்ற இளம் பெண் இது குறித்து தனது வீட்டில் தெரிவித்த நிலையில், 3 ம் தேதி காலை இளம்பெண்ணின் சகோதரி மற்றும் உறவினர்கள் கோவை பந்தய சாலை காவல் நிலையத்தில் தருண் மீது புகார் அளித்தனர்.
தருண் குறித்து போலீசார் விசாரித்த போது ஓய்வு பெற்ற காவல் துறை அதிகாரியின் மகன் என்பது தெரியவந்துள்ளது. இதனை தொடர்ந்து
கோவை பந்தய சாலை போலீசார் இளம் பெண் கொடுத்த புகாரின் பேரில் வழக்கு பதிவு செய்து விசாரித்து வந்த நிலையில், தருணை நேற்று கைது செய்தனர்.
கோவை நீதிமன்றத்தில் ஆஜர்படுத்தபட்ட அவர் , ஜாமினில் விடுவிக்கப்பட்டார்.
கோவை கல்லூரி மாணவி பாலியல் துன்புறுத்தல் சம்பவம் நடத்த அதே நாளில் இந்த சம்பவமும் நடத்த நிலையில், ஒரு வார காலத்திற்கு பின்பு தருணை கோவை பந்தயசாலை போலீசார் கைது செய்து சட்டநடவடிக்கை எடுத்து இருப்பது குறிப்பிடதக்கது.